ឯកឧត្តម ចាន់ សុីណាត បានបន្តធ្វើការដឺកនាំក្រុមការងាររបស់ក្រសួង និងអជ្ញាធរដែនដី ធ្វើការជំរុញយ៉ាងសកម្មទ្វេរឡើង លើសកម្មភាពអូសទឹកបញ្ចូលទៅក្នុងអាងត្រពាំងថ្ម

នៅថ្ងៃសុក្រ ១០រោច ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១ ខែមីនា ឆ្នាំ ២០១៩ ដោយគោរពតាមបទបញ្ជារដ៏មឿងមាត់របស់ ឯកឧត្តម លឹម គានហោ រដ្ឋមន្រ្តីបច្ចេកទេស ក្រសួងធនធានទឹក និងឧតុនិយម ឯកឧត្តមអនុរដ្ឋលេខាធិការ ចាន់ សុីណាត ជាអនុប្រធានមុខព្រួញទិស ខេត្តបន្ទាយមានជ័យ ខេត្តឧត្តរមានជ័យ និងខេត្តបាត់ដំបង បានបន្តធ្វើការដឺកនាំក្រុមការងាររបស់ក្រសួង និងអជ្ញាធរដែនដី ដែលជាអ្នកទទួលផលពីអាងត្រពាំងថ្ម ធ្វើការជំរុញយ៉ាងសកម្មទ្វេរឡើងក្នុងការអនុវត្តបទបញ្ជាររបស់ឯកឧត្តមរដ្ឋន្រ្តីក្រសួងធនធានទឹក និងឧតុនិយម លើសកម្មភាពអូសទឹកបញ្ចូលទៅក្នុងអាងត្រពាំងថ្ម ដោយលៃយ៉ាងណារុញទឹកត្រង់ឲដល់ចំណុចភូមិសាស្រ្ត ស្ពាន់ទី១ របស់អាងបន្ទាប់មកទើបអនុញាតឲបែកវាលតាមការកំណត់មួយជាក់លាក់។