ភ្នំពេញ៖ យុវជនកម្ពុជាដែលជាសិស្សនៃវិទ្យាល័យទូលទំពូង បានធ្វើដំណើរមកដល់ប្រទេសកម្ពុជា វិញដោយបានពាំនាំនូវកិត្តិយសជូនជាតិ បន្ទាប់ពីទទួលបានជ័យលាភីលេខ១ ជាលើកទី២ ពីការប្រកួតរ៉ូបូត ក្រោមទឹកម៉េតលើកទី៣ “3rd ASEAN MATE Underwater Robot Competition ” ដែល ប្រព្រឹត្តទៅនៅប្រទេសឥណ្ឌូណេស៊ី។
សូមជម្រាបថាព្រឹត្តិការណ៍នេះ ត្រូវបានរៀបចំឡើងដើម្បីលើកកម្ពស់ការស្រាវជ្រាវ គំនិតច្នៃប្រឌិត និង នវានុវត្តន៍ លើទេពកោសល្យរូបវិទ្យា គណិតវិទ្យា អេឡិចត្រូនិក និងវិស្វកម្ម សម្រាប់យុវសិស្ស ដោយប្រើប្រាស់ចំណេះដឹង ដែលពួកគេទទួលបានពីការរៀននៅក្នុងថ្នាក់មកជាការដោះស្រាយ បញ្ហា (Problem-solving) ដែលទាក់ទងនឹងស្ថានភាពក្រោមទឹក៕
