នៅថ្ងៃទី ០១ ខែធ្នូ ឆ្នាំ២០១៦ ឯកឧត្តម ឧត្តមសេនីយ៍ឯក ហ៊ុន ម៉ាណែត តំណាងដ៏ខ្ពង់ខ្ពស់សម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា បានបន្តដំណើរអញ្ជើញចុះសួរសុខទុក្ខ និងសំណេះសំណាលជាមួយបងប្អូនអតីតយុទ្ធជនកម្ពុជាមកពី១០ឃុំ ក្នុងស្រុកសង្កែ ខេត្តបាត់ដំបង ចំនួន ៨៥៦នាក់ ។
ឯកឧត្តម ឧត្តមសេនីយ៍ឯក ហ៊ុន ម៉ាណែត បាននាំយកអំណោយសម្តេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ទៅផ្តល់ជូនបងប្អូនទាំង ៨៥៦នាក់ ដោយម្នាក់ៗទទួលបាននូវថវិកាចំនួន ៥ម៉ឺនរៀល និងអង្ករចំនួន ២០គីឡូក្រាម ព្រមទាំងបានឧបត្ថម្ភនូវថវិកាចំនួន១០លានរៀលដល់សមាគមអតីតយុទ្ធជនស្រុកសង្កែ សម្រាប់បំរើការងារទូទៅក្នុងសមាគមផងដែរ ៕
