ផ្លូវលំមួយខ្សែប្រវែងជិត ១០គីឡូម៉ែត្រ ទៅកាន់ឃុំចង្ហា រស្រុកអូរជ្រៅ ខេត្តបន្ទាយមាន ជ័យ ដែលទទួលរងការខូចខាតកន្លងមកនេះ ត្រូវបាននិងកំពុងធ្វើការជួសជុលឱ្យប្រសើរឡើង វិញ ឆ្លើយតបទៅនឹងសំណូមពររបស់ប្រជាពលរដ្ឋ នៅក្នុងតំបន់ជនបទនេះចង់បានផ្លូវល្អ សម្រាប់ការធ្វើចរាចរណ៍ទៅមកបានស្រួល ហើយលឿននោះ។
ក្នុងឱកាសចុះពិនិត្យមើលក្រុមការងារដែលកំពុងធ្វើការជួសជុលនេះកាលពីថ្ងៃអាទិត្យ១៣រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣០ ខែមិថុនា ឆ្នាំ២០១៩ ឯកឧត្តម ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ បានប្រាប់ឱ្យដឹងថា ផ្លូវ១ខ្សែ ប្រវែងជិត ១០គីឡូម៉ែត្រ ពីផ្លូវជាតិលេខ៥ត្រង់ភូមិសាលាក្រហម ឆ្ពោះទៅកាន់ឃុំចង្ហារ ស្រុក អូរជ្រៅ នៃខេត្តបន្ទាយមានជ័យ ត្រូវបានធ្វើការជួសជុលស្ថាបនាឡើងវិញ ដោយក្រាសក្រួស ក្រហមក្រោមគម្រោងថវិការាជរដ្ឋាភិបាល តាមរយៈក្រសួងអភិវឌ្ឍន៍ជនបទ ។
ឯកឧត្តម ជា យុទ្ធារុណ បានលើកឡើងថា ដោយអនុវត្តន៍តាមអនុសាសន៍ដ៏ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រសួងអភិវឌ្ឍន៍ជនបទ បានស្ថាបនានូវហេដ្ឋារចនាសម្ព័ន្ធជនបទនានា រួមមាន ផ្លូវ ស្ពាន និងលូគ្រប់ប្រភេទជាដើម នៅតាមតំបន់ជនបទ តាមរយៈការប្រើប្រាស់ថវិកាជាតិ និងថវិកាសហ ប្រតិបត្តិការអន្តរជាតិ ដើម្បីផ្តល់ និងបង្ខិតឱ្យជិតប្រជាពលរដ្ឋនូវសេវាសាធារណៈនានា និងកាត់បន្ថយភាពក្រីក្ររបស់បងប្អូនប្រជាពលរដ្ឋ។
ឯកឧត្តម បានបន្តទៀតថា ជាក់ស្តែងការជួសជុលផ្លូវលំក្រាលក្រួសក្រហមមួយខ្សែនេះ ពិតជាបានរួមចំណែកយ៉ាងសំខាន់ ក្នុងការជួយសម្រួលដល់ការធ្វើដំណើររបស់ប្រជាពលរដ្ឋ ការដឹកជញ្ជូនកសិផល និងការលើកស្ទួយកម្រិតជីវភាពរស់នៅរបស់បងប្អូនប្រជាពលរដ្ឋនៅ មូលដ្ឋាន ដែលធ្វើឱ្យតំបន់នេះកាន់តែមានការអភិវឌ្ឍ និងកែប្រែមុខមាត់ គួរឱ្យកត់សម្គាល់។
ក្នុងឱកាសនោះដែរឯកឧត្តម ជា យុទ្ធារុណ បានក្រើនរម្លឹកដល់ប្រជាពលរដ្ឋដែលរស់នៅតាមដង ផ្លូវដែលធ្វើការជួសជុលនេះ មេត្តាចូលរួមទាំងអស់គ្នាជួយបង្កលក្ខណៈងាយស្រួល ដល់ក្រុម ជំនាញកំពុងធ្វើផ្លូវនេះបានលឿន ហើយត្រូវចូលរួមជួយថែទាំផ្លូវដែលបានជួសជុលហើយ នេះឱ្យនៅប្រើប្រាស់បានយូរអង្វែង។
ជាមួយនេះដែរឯកឧត្តមក៏បានអំពាវនាវទៅកាន់ប្រជាពលរដ្ឋទាំងអស់គ្នា ត្រូវចូលរួមគោ រពច្បាប់ចរាចរណ៍ផ្លូវគោគ ឱ្យបានខ្ជាប់ខ្ជួនដើម្បីចៀសវាងការគ្រោះថ្នាក់ដល់អាយុជីវិត៕