រាជធានីភ្នំពេញ ៖ កម្មវិធី Digital Aspiration Seeds for the furture ជាកម្មវិធីក្រោមកិច្ចសហការរវាង ក្រសួងអប់រំ យុវជន និងកីឡា និងក្រុមហ៊ុនHuawei ដែលបានជ្រើសរើសបេក្ខជនជាយុវនិស្សិតកម្ពុជា ចំនួន១០ រូប ដែលមានជំនាញ ICT, Computer Science, និង Telecommunication ក្នុងគោលបំណងលើកកម្ពស់ការតម្រង់ទិសវិជ្ជាជីវៈនៃយុវនិស្សិតកម្ពុជា ក្នុងបរិបទនៃការអប់រំតាមបែបឌីជីថល។ តាមរយៈកម្មវិធីនេះ យុវនិស្សិតទាំង១០រូប នឹងទទួលបានការបណ្តុះបណ្តាល ការធ្វើតេស្តសាកល្បង និងការធ្វើទស្សនកិច្ចទៅកាន់ទីស្នាក់ការកណ្តាលនៃក្រុមហ៊ុន Huawei នៅទីក្រុងសេនហ្សិន និងទីក្រុងប៉េកាំង នៃប្រទេសចិន។
ពិធីបើកនាពេលនេះ ត្រូវបានប្រារព្ធឡើងក្រោមអធិបតីភាព លោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា នាព្រឹកថ្ងៃចន្ទ ១៤កើត ខែអាសាឍ ឆ្នាំកុរ ឯកស័ក ព.ស.២៥៦៣ នៅមជ្ឈមណ្ឌលផ្តល់បទពិសោធន៍ និងដំណោះស្រាយដល់អតិថិជន (CSIC) នៃក្រុមហ៊ុន Huawei៕
