នៅព្រឹកថ្ងៃអាទិត្យ ១២រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៨ ខែកក្កដា ឆ្នាំ២០១៩ ឯកឧត្ដម រ័ត្ន វិរៈ អនុរដ្ឋលេខាធិការក្រសួងបរិស្ថាន បានចូលរួមជាអធិបតីក្នុងពិធីរត់ប្រណាំងម៉ារ៉ាតុង ចំងាយ៥គីឡូម៉ែត្រ ដើម្បីបរិស្ថាន ដែលរៀបចំឡើងដោយអង្កការWWF នៅខេត្តមណ្ឌលគិរី។ កម្មវិធីនេះរៀបចំឡើងក្នុងគោលបំណងផ្តល់នូវឱកាសឲ្យសាធារណជនទាំងអស់បានចូលរួម និងបង្ហាញ នូវសកម្មភាពបរិស្ថាន ដែលជាការចូលរួមថែរក្សាធនធានធម្មជាតិ ជីវៈចម្រុះ និងសត្វព្រៃ សម្រាប់វប្បធម៌ និងទេសចរណ៍ធម្មជាតិរបស់យើងទាំងអស់គ្នា។