(សៀមរាប)៖ ដើម្បីចូលរួមអបអរសាទរព្រះរាជពិធីបុណ្យអុំទូក បណ្តែតប្រទីប និងសំព្រះខែអកអំបុក អាជ្ញាធរជាតិអប្សរាបានរួមគ្នារៀបចំពិធីដាល់អំបុក អកអំបុក សំពះព្រះខែ និងបណ្តែតប្រទីប នៅព្រះលានជល់ដំរី ចាប់ពីថ្ងៃទី៩ដល់ថ្ងៃទី១២ ខែវិច្ឆិកា ឆ្នាំ២០១៩។
នៅក្នុងពិធីដ៏អធិកអធមនេះ មានការដាក់តាំងបង្ហាញឧបករណ៍បុរាណដូចជាកណ្តៀវ ត្បាល់កិន ត្បាល់ក្តឿង ត្បាល់បុក ការបោកបែនស្រូវ ការច្រូតកាត់ ការលីងស្រូវ ការដល់អំបុក។ល។
នៅក្នុងព្រឹត្តិការណ៍នេះ មានភ្ញៀវទេសចរជាតិ-អន្តរជាតិជាច្រើនអ្នកបានចាប់អារម្មណ៍ និងចូលរួមកម្សាន្តសប្បាយ ថែមទាំងស្វែងយល់អំពីការច្រូតកាត់ ការបោកបែន ការលីងស្រូវ និងដាល់អំបុកដោយផ្ទាល់យ៉ាងសប្បាយរីករាយ។ មិនតែប៉ុណ្ណោះ ក៏បានចូលរួមរាំកម្សាន្តសប្បាយនឹងចង្វាក់ប្រពៃណី ចង្វាក់ប្រជាប្រិយខ្មែរផងដែរ។
សូមទស្សនាកម្រងរូបភាពពីសកម្មភាពភ្ញៀវទេសចរជាតិ-អន្តរជាតិ ចូលរួមក្នុងព្រឹត្តិការណ៍ដាល់អំបុកនៅព្រះលានជល់ដំរី ក្រុងអង្គរធំដូចខាងក្រោម៖
