ក្រុមការងារគណបក្សប្រជាជនកម្ពុជាបានផ្តល់សម្ភារៈ Computers ដល់ក្រុមយុវជនប្រមាណ ១០០នាក់ និងសម្ភារៈកីឡាផងដែរ នៅក្នុងស្រុកកញ្ជ្រៀចខេត្តព្រៃវែង ។ ការផ្តល់នេះធ្វើឡើងកាលពីចុងសប្តាហ៍នេះ តាមរយៈ ប្រធានក្រុមការងារបក្ស ចុះជួយឃុំត្នោត ស្រុកកញ្ច្រៀចខេត្តព្រៃវែង លោកឡុង ស្រេង ។
លោក ឡុង ស្រេង បានថ្លែងថា សម្ភារៈជាកុំព្យូទ័រ និងសម្ភារៈកីឡា ទាំងនោះ គឺជាអំណោយរបស់ នាយឧត្តមសេនីយ៏ នេត សាវឿន ប្រធានក្រុមការងារចុះជួយស្រុកកញ្ចៀច ខេត្តព្រៃវែង ដើម្បីជម្រុញឲ្យយុវជននៅតំបន់ឆ្ងាយៗ មានចំណេះដឹងផ្នែកបច្ចេកវិទ្យាថ្មីៗ សិក្សាតាមប្រព័ន្ធកុំព្យូទ័រនិងអ៊ីនធ័រណេត និងក៏ដូចជាការជម្រុញឲ្យលេងកីឡាច្រើនដើម្បីសុខភាព ជាជាងទៅប្រព្រឹត្តអំពើអបាយមុខ ។
សម្ភារៈដែលប្រគល់ជូននេះ គឺមាន កុំព្យូទ័រ ២០គ្រឿង និង ម៉ាស៊ីព្រីនចំនួន ៣គ្រឿង សម្រាប់បំពាក់នៅក្នុងថ្នាក់បង្រៀនកុំព្យូទ័រ នៅក្នុងទីស្នាក់ការគណបក្សប្រជាជន ឃុំត្នោត ដើម្បីទុកអោយកូនចៅប្រជាពលរដ្ឋ និងសិស្សានុសិស្ស រួមទាំងយុវជន បានចូលរៀនដោយមិនបង់ថ្លៃ ។ ក្រៅពីនេះក៏មានសម្ភារកីឡាជាច្រើនទៀត រួមមានខោ និងអាវ ៣០០កំប្លេ ស្បែកជើង និងស្រោមជើង ១០០កំប្លេ បាល់ទាត់ចំនួន៥០ និងបាល់ទះចំនួន៣០… ប៊ូលចំនួន ២ឈុត ផងដែរ ហើយសម្ភារកីឡាទាំងនេះ ចែកជូនដល់សិស្សា នុសិស្ស នៅក្នុងឃុំត្នោត និងឃុំផ្សេងៗទៀតក្នុងស្រុកកញ្ច្រៀចទាំងមូល ។
សូមជំរាបថា នៅក្នុងស្រុកកញ្ជ្រៀចនោះ ក្រុមការងារគណបក្ស នៅបានជួយក្រុមយុវជនបង្កើតក្រុមបាល់ទាត់ បាល់ទះ នៅតាមសាលាផងដែរ ដែលរួមមានក្រុមបាល់ទាត់ ៥ក្រុម និងបាល់ទះ ២ក្រុម ។ ប្រធានក្រុមការងារគណបក្សចុះជួយឃុំត្នោត លោក ឡុង ស្រេង បានមានប្រសាសន៍ថាការបង្កើតក្រុមបាល់ទាត់ និងបាល់ទះ គឺក្នុងគោលបំណងអោយក្រុមយុវជននាំគ្នាលេងកីឡា ដើម្បីសុខភាពរឹតចំណងសាមគ្គីគ្នា បង្កើនមិត្តភាព ជៀសអោយផុតពីគ្រឿងញៀន និងល្បែងអបាយមុខផ្សេងៗទៀត ។ ក្រុមការងារគណបក្សប្រជាជនកម្ពុជា ក្រៅពីបានផ្តល់សម្ភារៈComputers និងគ្រឿងកីឡា នៅបាននាំយកស៊ីម៉ងត៏ចំនួន ១៧តោន ទៅជូនវត្តចំនួន២ គឺវត្តត្នោតចំនួន ១៣តោន និងវត្តក្រឡាមាឃចំនួន ៥តោន និងជូនអនុវទ្យាល័យត្នោត ចំនួន ២តោន ផងដែរ ។