ឯកឧត្តម ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី បានថ្លែងថា លោក មេធាវី រីឆាត រ៉ូជើរ (Richard Rogers) ជាមេធាវី ដែលបានប្ដឹងរដ្ឋាភិបាលកម្ពុជាទៅតុលាការព្រហ្មទណ្ឌអន្តរជាតិ(ICC) ជុំវិញការប្រើអំពើហិង្សាបង្ក្រាបបាតុកម្មលើក្រុមសហគមន៍តវ៉ាសិទ្ធិ ដីធ្លីនាពេលកន្លងមកនោះថា ខ្ញុំមិនដឹងថាលោកជាអ្នកច្បាប់ចេញពីសាលាណាមកទេ បែរជាយកករណីជម្លោះដីធ្លីនិងការអនុវត្តទៅតាមច្បាប់តួនាទីថែរក្សា សន្តិសុខសណ្ដាប់ធ្នាប់របស់កម្ពុជាថា ជាបទឧក្រិដ្ឋប្រឆាំងមនុស្សជាតិទៅវិញ។
ឯកឧត្តម បានបន្តទៀតថា អ្នកធ្វើបាតុកម្មប្រឆាំងការឡើងកាន់អំណាចរបស់លោកដូណាល់ត្រាំដែល ត្រូវចាប់ខ្លួនជាង២០០នាក់នោះនឹងត្រូវប្រឈមមុខជាប់ពន្ឋនាគារ១០ ឆ្នាំពិន័យជាប្រាក់២៥០០០$ផងដែរ។ ជាសំណួរថា តើការបង្ក្រាបបាតុកម្មនៅអាមេរិកជាការរំលោភសិទ្ឋិមនុស្ស ឬជាបទឧក្រិដ្ឋប្រឆាំងមនុស្សជាតិដែរឬទេ? ឯកឧត្តម ផៃ ស៊ីផាន បន្តថា បើលោកRichard Rogers គិតថាវាចូលមែន កុំភ្លេចប្ដឹងរដ្ឋបាលលោកប្រធានាធិបតីដូណាល់ ត្រាំដែលបញ្ជាអោយប៉ូលីសបង្ក្រាបបាតុកម្មនេះទៅតុលាការICCផង។