សមាគមអ្នកផ្តល់សេវាសុខាភិបាលឯកជននៅកម្ពុជា អំពាវនាវគ្រូពេទ្យឯកជនទាំងអស់ ចូលរួមអប់រំពលរដ្ឋពីអនាម័យខ្លួនប្រាណឱ្យបានជាប់ជាប្រចាំ

សមាគមអ្នកផ្តល់សេវាសុខាភិបាលឯកជននៅកម្ពុជា សូមចូលរួមជាមួយក្រសួងសុខាភិបាល ដោយអំពាវនាវដូចខាងក្រោម៖

*ទី១ ៖ ចំពោះអ្នកផ្តល់សេវាសុខាភិបាលឯកជននៅកម្ពុជា ត្រូវចូលរួមសហការ ក្នុងការអប់រំប្រជាពលរដ្ឋអំពីអនាម័យខ្លួនប្រាណ ដោយលាងដៃនឹងទឹកស្អាត ជាមួយសាប៊ូ ឬអាល់កុលឲ្យបានញឹកញាប់ តាមគោលការណ៍ណែនាំរបស់ក្រសួងសុខាភិបាល។ ត្រូវចូលរួមផ្សព្វផ្សាយព័ត៌មាន ដែលទទួលបានពីក្រសួងសុខាភិបាល ចៀសវាងចែកចាយព័ត៌មាន ដែលមិនមានប្រភពច្បាស់លាស់។ ក្នុងករណីមានការសង្ស័យ ត្រូវចូលរួមសហការរាយការណ៍ទៅមន្ទីរសុខាភិបាលរាជធានី-ខេត្ត ឬក្រសួងសុខាភិបាល ឬតាមទូរស័ព្ទលេខ១១៥ ដោយឥតគិតថ្លៃចៀសវាងការបំប៉ោងព័ត៌មាន ឬបំភិតបំភ័យប្រជាពលរដ្ឋទូទៅ។

*ទី២ ៖ ចំពោះប្រជាពលរដ្ឋទូទៅ ត្រូវចូលរួមតាមដានសេចក្តីប្រកាសព័ត៌មាន ឬសេចក្តីជូនដំណឹងរបស់ក្រសួងសុខាភិបាល ចៀសវាងការជឿ ឬផ្សព្វផ្សាយបន្តតាម
ព័ត៌មានមិនពិត និងគ្មានប្រភពច្បាស់លាស់ដែលជាហេតុធ្វើឲ្យមានចលាចល និងវឹកវរនៅក្នុងសង្គម, អនុវត្តវិធានការណ៍ការពារខ្លួន តាមការណែនាំរបស់ក្រសួងសុខាភិបាល (ដូចមានជូនភ្ជាប់មកជាមួយនូវវិធានការការពារបស់ក្រសួងសុខាភិបាល)៕

ខាងក្រោមនេះ ជាសេចក្តីអំពាវនាវរបស់សមាគមអ្នកផ្តល់សេវាសុខាបាលឯកជននៅកម្ពុជា៖