កិច្ចប្រជុំផ្សព្វផ្សាយសេចក្ដីសម្រេច ស្ដីពីការបង្កើតក្រុមការងារ ដើម្បីទទួលខុសត្រូវ ទទួល និងដឹកជញ្ជូនបងប្អូន ប្រជាពលរដ្ឋខ្មែរដែលវិលត្រលប់ពីប្រទេសថៃ

ឯកឧត្ដមអភិបាលរងខេត្ត បានបន្តថា ដោយអនុវត្តតាមសេចក្ដីជូនដំណឹងរបស់ក្រសួងមហាផ្ទៃ លេខ១០០៧ សជណ ចុះថ្ងៃទី២៧ ខែមីនា ឆ្នាំ២០២០ និងតាមការណែនាំរបស់ឯកឧត្ដម គង់ សោភ័ណ្ឌ អភិបាលខេត្តកណ្តាល ខេត្តបានសម្រេចបង្កើតក្រុមការងារ ដើម្បីទទួលខុសត្រូវ ទទួល និងដឹកជញ្ជូនបងប្អូន ប្រជាពលរដ្ឋខ្មែរដែលវិលត្រលប់ពីប្រទេសថៃ។

ឯកឧត្ដមបន្ថែមថា បន្ទាប់ពីមានការផ្ទុះជំងឺកូវីដ១៩ នៅក្នុងប្រទេសថៃ ហើយបានធ្វើការបិទព្រំដែនមក បងប្អូនខ្មែររស់នៅប្រទេសថៃបានវិលត្រឡប់មកកាន់ប្រទេសកម្ពុជាវិញ តាមច្រកព្រំដែននានា ដែលតម្រូវអោយអាជ្ញាធរត្រូវធ្វើការត្រៀម មធ្យោបាយដឹកជញ្ជូនគាត់មកកាន់លំនៅឋានរៀងៗខ្លួន។

ឯកឧត្ដម បានស្នើរដល់ដល់អាជ្ញាធរស្រុក ក្រុង និងមន្ទីរពាក់ព័ន្ធ ត្រូវទំនាក់ទំនង និងចូលរួមសហការជាមួយរដ្ឋបាលខេត្តជាប់ព្រំដែនជាមួយប្រទេសថៃ ដើម្បីជួយឧបត្ថម្ភដោះស្រាយដល់ការដឹកជញ្ជូនប្រជាពលរដ្ឋខ្មែរ ដែលមានលំនៅឋានក្នុងដែនសមត្ថកិច្ចរបស់ខ្លួន ពីព្រំដែនទៅកាន់ទៅកាន់លំនៅឋានរបស់ពួកគាត់។ ត្រូវចាត់ចែងមធ្យោបាយសមស្រប ដើម្បីដឹកជញ្ជូនប្រជាពលរដ្ឋ ដោយយកចិត្តទុកដាក់ អំពីសុវត្ថិភាព សុខភាព និងទ្រព្យសម្បត្តិរបស់ពួកគាត់ ព្រមទាំងរក្សាអោយបាននូវសណ្ដាប់ធ្នាប់និងរបៀបរាបរយសាធារណៈ ពិសេសត្រូវជួយឧបត្ថម្ភនូវម្ហូបអាហារ ទឺក សម្ភារៈ និងថ្នាំពេទ្យ។

ឯកឧត្ដមអភិបាលរងខេត្ត បាមណែនាំដល់អាជ្ញាធរភូមិ ឃុំ សង្កាត់ ត្រូវសហការជាមួយសមត្ថកិច្ចពាក់ព័ន្ធ ចុះត្រួតពិនិត្យជាប្រចាំ តាមផ្ទះរបស់ប្រជាពលរដ្ឋ ដើម្បីធានាថា បងប្អូនប្រជាពលរដ្ឋខ្មែរ ដែលវិលត្រឡប់មកពីប្រទេសថៃ អនុវត្តវិធានការណ៍ដាក់ខ្លួនអោយនៅដាច់ដោយឡែករយៈពេល១៤ថ្ងៃ បានត្រឹមត្រូវស្របតាមនីតិវិធីដែលកំណត់ដោយក្រសួងសុខាភិបាល ព្រទាំងធ្វើការណែនាំដល់ក្រុមគ្រួសារ អំពីវិធីការការពារឆ្លងជំងឺកូវីដ១៩។