ឯកឧត្តម សួស ​គង់ បានដឹកនាំគណៈកម្មការអន្តរក្រសួង រួមមានតំណាង ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញទៅត្រួតពិនិត្យ និងវាយតម្លៃ​បញ្ចប់សុពលការងារស្ថាបនា​ផ្លូវចំនួន​ ២គម្រោង


នាព្រឹកថ្ងៃព្រហស្បតិ៍ ១រោច ខែពិសាខ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៧​ ខែឧសភា​ ឆ្នាំ២០២០ ឯកឧត្តម សួស ​គង់​ រដ្ឋលេខាធិការប្រចាំការ តំណាងឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ បានដឹកនាំគណៈកម្មការអន្តរក្រសួង រួមមានតំណាង ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញទៅត្រួតពិនិត្យ និងវាយតម្លៃ​បញ្ចប់សុពលការងារស្ថាបនា​ផ្លូវចំនួន​ ២គម្រោង៖

-គម្រោងទី១ ៖ ការងារស្ថាបនាផ្លូវក្រាលក្រួសក្រហមចំនួន​ ១ខ្សែ​ ប្រវែង​ ៨​ ០០០ ម៉ែត្រ ទទឹង​ខ្នងលើ ០៧ ម៉ែត្រ លូមូលមុខមួយចំនួន​ ១៩កន្លែង​ លូមូលមុខពីរចំនួន​ ០២កន្លែង​ និងលូប្រអប់មុខបីចំនួន​ ០៣កន្លែង​ ស្ថិតនៅភូមិភ្នំតូច​ ឃុំកណ្តោល​ ឃុំត្រពាំងសង្កែ​ ស្រុកទឹកឈូ​ ខេត្តកំពត។

-គម្រោងទី២ ៖ ការងារស្ថាបនាផ្លូវក្រាលកៅស៊ូពីរជាន់​ប្រភេទ (DBST) ចំនួន​ ០១ខ្សែ​ ប្រវែង​ ៤​ ០០០ ម៉ែត្រ ទទឹងខ្នងលេី​ ០៦ ម៉ែត្រ សាងសង់លូប្រអប់ចំនួន​ ០២កន្លែង​ និងសាងសង់ផ្លាកឈ្មោះផ្លូវចំនួន​ ០២កន្លែង​ ស្ថិតនៅឃុំកំពង់ក្រែង​ ស្រុកទឹកឈូ​ ខេត្តកំពត។

គម្រោងនេះ បានដឹកនាំសាងសង់ដោយកងកម្លាំងវិស្វកម្មនៃនាយកដ្ឋានវិស្វកម្ម​ក្រសួងការពារជាតិ​ ៕