ពិធីចុះហត្ថលេខាលើអនុស្សារណៈយោគយល់គ្នាសី្តពីកិច្ច សហប្រតិបតិ្តការ លើគម្រោងGo Digital ASEANរវាងក្រសួងឧស្សាហកម្ម វិទ្យាសាស្រ្ត បច្ចេកវិទ្យានិងនវានុវត្តន៏និងអង្គការមូលនិធិអាសុី (TAF) បានប្រព្រឹត្តទៅនៅទីស្តីការ ក្រសួង នារសៀលថ្ងៃទី២៨ខែសីហាឆ្នាំ២០២០ នៅទីស្តីការក្រសួង ។ ហត្ថលេខីលើអនុស្សារណៈយោគយល់គ្នានេះ គឺរវាឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្កន៍ ជាមួយលោកស្រី មេឡូនី លីនប៊ឺក (Meloney C.Lindberg )តំណាងអង្គការមូលនិធិអាសុីប្រចាំកម្ពុជា(TAF) ។
នៅក្នុងពិធីនេះដែរ ក៏មានវត្តមានដៃគូគម្រោងដូចជា៖លោកស្រី ចិត ចរិយា ប្រធានអង្គការស្តារកម្ពុជា (STAR Kampuchea ) លោកស្រី Kate Heuisler តំណាងអង្គការ DAI Global LLC ព្រមទាំងកញ្ញា ហម ពិដោរ តំណាងមកពីអង្គការ lnSTEDD ILab Southeast Asia និងសហការីមួយចំនួនទៀត ។
សូមបញ្ជាក់ថា៖យោងតាមស្មារតីនៃកិច្ចប្រជុំគណ:កម្មការសម្របសម្រួលអាស៊ានស្តីពីសហគ្រាសខ្នាតតូចនិងមធ្យមលេីកទី៨ កាលពីថ្ងៃទី២៥-២៩ ខែវិច្ឆិកា ឆ្នាំ២០១៩ នៅរាជធានីភ្នំពេញ អង្គការមូលនិធិអាសុី និង Google.Org
បានលេីកសំណេីដាក់ចេញនូវផែនការសកម្មភាពការងារសម្រាប់ជុំរុញអភិវឌ្ឍវិស័យសហគ្រាសខ្នាតតូចបំផុត តូច និងមធ្យម (MSMEs) នៅតាមទីជនបទនៃប្រទេសក្នុងតំបន់អាស៊ានឲ្យទទួលបានចំណេះដឹងផ្នែកឌីជីថល(Digital) ក្រោមជំនួយឧបត្ថម្ភរបស់ក្រុមហ៊ុន Google.Org
មានទឹកប្រាក់សរុបចំនួន៣.៣លានដុល្លារអាមេរិក ។ ក្នុងនោះអង្គការស្តារកម្ពុជាជាអ្នករៀបចំវគ្គបណ្តុះបណ្តាលលេីម្រោងGo Digital ASEAN ដែលមានទឹកប្រាក់សរុប ២៥មុឺនដុល្លារអាមេរិក សម្រាប់៖-បណ្តុះបណ្តាលគ្រូបង្គោលតាមបណ្ដាខេត្ត និងរាជធានីគោលដៅ-បណ្តុះបណ្តាលសហគ្រិនចំនួន១៥.០០០នាក់ នៅទីតាំង៧ខេត្ត និងរាជធានីរួមមាន៖រាជធានីភ្នំពេញ ខេត្តសៀមរាប បាត់ដំបង កំពង់ចាម ស្វាយរៀង តាកែវ និងកំពង់ស្ពឺ ។
ឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធ បានចាត់ទុកពិធីចុះហត្ថលេខានេះ បង្ហាញពីការគាំទ្រនិងការប្តេជ្ញាចិត្តខ្ពស់ពីសំណាក់ក្រសួងនិងរាជរដ្ឋាភិបាលកម្ពុជា ក្នុងការបណ្តុះបណ្តាលជំនាញឌីជីថល ទៅកាន់អាជីវកម្មខ្នាតតូចនិងមធ្យមនៅក្នុងប្រទេសកម្ពុជា ដើម្បីឲ្យពួកគេ អាច បន្តធ្វើអាជីវកម្មក្នុងបរិបទដែលមានជំងឺកូវីដ១៩និងអាចចូលរួមក្នុងវិស័យសេដ្ឋកិច្ចឌីជីថល ។ ជាមួយគ្នានេះ ឯកឧត្ដមកិត្តិសេដ្ឋាបណ្ឌិត ក៏បានផ្តល់សារ:សំខាន់លេីការងារចុះបញ្ជីសហគ្រាសខ្នាតតូចនិងមធ្យម តាមប្រព័ន្ធOnline ដេីម្បីឲ្យពួកគេស្ថិតនៅក្រោមឆ័ត្រតែមួយ និងស្ថិតក្រោមក្របខណ្ឌច្បាប់មួយដែលយេីងអាចគ្រប់គ្រង បណ្តុះបណ្តាល និងតម្រង់ទិសពួកគេ ចូលក្នុងបរិបទសាកលភាវូនីយកម្មនិងបដិវត្តន៍ឧស្សាកម្ម៤.០ ។
លោកស្រី Meloney C.Lindberg ប្រធានអង្គការមូលនិធិអាសុី បានមានប្រសាសន៏ថា លោកស្រី មានការរីករាយ ចំពោះការគាំទ្រពេញទំហឹងពីក្រសួង ដើម្បីអនុវត្តគម្រោងនៅថ្នាក់តំបន់និងក្នុងប្រទេសកម្ពុជា ។ លោកស្រីបានបន្ថែមថា បច្ចុប្បន្ន កម្ពុជា កំពុងប្រឈមនឹងផលប៉ះពាល់អវិជ្ជមាននៃជំងឺកូវីដ១៩ ហើយអាជីវកម្មខ្នាតតូចនិងមធ្យម បានរងផលប៉ះពាល់ផងដែរ ។ គម្រោងនេះកើតឡើងចំពេលដែលអាជីវកម្មទាំងនោះត្រូវការចំណេះដឹងនិងជំនាញឌីជីថលដើម្បីចូលរួមក្នុងសេដ្ឋកិច្ចឌីជីថលព្រមទាំងរកប្រាក់ ចំណូលផ្គត់ផ្គង់គ្រួសាររបស់ពួកគេប្រកបដោយសុវត្ថិភាព។ជាមួយគ្នានេះលោកស្រីប្រធានមូលនិធិអាសុី បានពាំនាំនូវប្រសាសន៍របស់លោកស្រី Stephanie Davis នាយិកាគ្រប់គ្រងក្រុមហ៊ុន Google.Org
ដែលជាក្រុមហ៊ុនសហការលេីការងារនេះថា៖អាជីវកម្មខ្នាតតូចគឺជាបេះដូងនៃសេដ្ឋកិច្ចជាតិនិងសហគមន៏របស់ប្រទេសកម្ពុជានិងជាការពិបាក នាពេលបច្ចុប្បន្ននេះ ដែលតម្រូវឲ្យមានការគាំទ្រជាបន្ទាន់ លើការប្រើប្រាស់ ប្រព័ន្ធឌីជីថលទៅដល់អាជីវករទាំងនោះ។
គួរស្វែងយល់ថា៖គោលបំណងដែលបានចែងក្នុងអនុស្សារណ:យោគយល់គ្នា គឺដេីម្បីដាក់ចេញជាផ្លូវការនូវកិច្ចសហការរវាងក្រសួង ជាមួយអង្គការមូលនិធិអាសុី លេីគម្រោង Go Digital ASEAN ក្រោមជំនួយឧបត្ថម្ភពីGoogle.Org
ស្ថិតក្នុងឱកាសនោះផងដែរ លោកស្រីប្រធានអង្គការមូលនិធិអាសុី ក៏បានប្រគល់លិខិតថ្លែងអំណរគុណពីក្រុមហ៊ុនGoogle.Org
