ការដ្ឋានសាងសង់ស្ពានអាកាសទី៥ បានចាប់ផ្ដើមហើយនៅរាជធានីភ្នំពេញ ដើម្បីសម្រួលការកកស្ទះចរាចរណ៍ ។ យោងទំព័រ facebook របស់សាលារាជធានីភ្នំពេញ សំណង់ស្ពានអាកាសទី៥ គឺស្ពានអាកាសនៅផ្សារដីហុយ នៃសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
សាលារាជធានីបានជូនដំណឹងដល់ប្រជាពលរដ្ឋ ដែលធ្វើដំណើរទៅមក នៅចំណុចស្តុបផ្លូវប្រសព្វរវាងវិថីសហព័ន្ធរុស្ស៊ី ផ្លូវដីហុយ និងផ្លូវណ័តប្រ៊ីត ក្នុងសង្កាត់ទឹកថ្លា ខណ្ឌសែនសុខថា ក្រោយពីបានពង្រីកផ្លូវពង្វាងចរាចរណ៍លើដងមហាវិថីសហព័ន្ធរុស្ស៊ី នៅថ្ងៃទី២ ខែកុម្ភៈនេះ ក្រុមហ៊ុនម៉ៅការសាងសង់ស្ពានអាកាសស្តុបផ្សារដីហុយ បានបញ្ចូលគ្រឿងចក្រសង្កត់គ្រឹះស្ពាន ដែលនាំឱ្យមានការរំខានដល់ចរាចរណ៍ ក្នុងការធ្វើដំណើររបស់ប្រជាពលរដ្ឋ ។
ស្ពានអាកាសនៅផ្សារដីហុយ ជាស្ពានអាកាសទី៥ នៅរាជធានីភ្នំពេញ បន្ទាប់ពីស្ពានអាកាសក្បាលថ្នល់,…ស្ពានអាកាស ៧មករា ពេទ្យលោកសង្ឃ,… ស្ពានអាកាសស្ទឹងមានជ័យ និងស្ពានអាកាស ៥មករា ជិតសាលាតិចណូ ។
