សម្តេចហ៊ុន សែននឹងបរិច្ចាកឈាមប្រសិនបើគ្រូពេទ្យអនុញ្ញាត


សម្តេច​ហ៊ុន សែន​នាយករដ្ឋមន្ត្រី​នៃ​ប្រទេស​កម្ពុជា​បាន​សរសេរ​លើ​ទំព័រ​ហ្វេ​សប៊ុក​របស់ ​ខ្លួន​ដើម្បី​អំពាវនាវ​ដល់​ប្រជាពលរដ្ឋ ជាពិសេស យុវជន​យុវនារី ឱ្យ​ចូលរួម​បរិច្ចាគ​ឈាម​។ ចរិ​ច្ចាក​ឈាម​ដើម្បី​ជួយសង្គ្រោះ​ជីវិត អ្នកជំងឺ ដែល​កំពុង​ត្រូវការ​ឈាម​ចាំបាច់​បំផុត នៅក្នុង​ប្រទេស​កម្ពុជា​។
​ប្រមុខ​រដ្ឋាភិបាល​បាន​សរសេរ​បន្តថា យើង​ពិតជា​សប្បាយចិត្ត​នៅពេលដែល​យើង​អាច​ជួយ​ជីវិត​មនុស្ស​បាន តាមរយៈ​ការផ្តល់​ឈាម​។ ខ្ញុំ​មាន​ជំនឿ​ថា ពលរដ្ឋ​គ្រប់ៗ​រូប​អាចធ្វើ​បាន ជា​ពិសេស​យុវជន ដែល​គ្រាន់តែ​ចំណាយពេល ២៥ នាទី​តែប៉ុណ្ណោះ​។ ការបរិច្ចាគ​ឈាម​គឺ​មិន​ប៉ះពាល់​ដល់​សុខភាព​ឡើយ​។​
​សម្តេច​ហ៊ុន សែន​បាន​បញ្ជាក់ថា ខ្ញុំ​នឹង​ឆ្លៀត​យក​ពេល​ពី​ការងារ​ទៅ​បរិច្ចាគ​ឈាម​ជួយ​ពលរដ្ឋ​នៅ​ថ្ងៃ​ ណាមួយ​ខាងមុខនេះ ប្រសិនបើ​គ្រូពេទ្យ​ដែល​ព្យាបាល​ខ្ញុំ អនុញ្ញាត​៕