នាព្រឹក ថ្ងៃទី១៩ ខែឧសភា ឆ្នាំ២០២១ ឯកឧត្ដម កៅ សុខអាន អភិបាលរងខេត្ត តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ រួមនឹងមន្ទីរពាក់ព័ន្ធ អាជ្ញាធរមូលដ្ឋាន បានយកសេចក្តីសម្រេច លេខ ១០៥ និងលេខ ១០៦/២១ ស.ស.រ របស់រដ្ឋបាលខេត្តកំពង់ចាម ស្តីពីការផ្អាកសកម្មភាពផលិតកម្ម អាគារ តុកាត់ របស់រោងចក្រ ជូ ហួយ ហ៊្វូតវែ និងអាគារA នៃរោងចក្រខា លីនតុន (ខាមបូឌា) នៅភូមិរវៀង ឃុំខ្នុរដំបង ស្រុកជើងព្រៃ និងបានបន្តយកសេចក្តីសម្រេចលេខ ១០៧/២១ ស.ស.រ ផ្អាកសកម្មភាពផលិតកម្មអាគារទូប៉ា២ របស់រោងចក្រ មេតថេក (ខេមបូឌេ) ខប លីមីតធីត ស្ថិតនៅភូមិអំពិលលើ ឃុំអំពិល ស្រុកកំពង់សៀម។ ដោយរោងចក្រទាំងបីខាងលើនេះបានរកឃើញ មានករណីជំងឺកូវីដ-១៩ មកលើកម្មករកម្មការិនីរោងចក្រ។