ក្រសួងការពារជាតិ បានបង្កើតក្រុមការងារមួយ ដើម្បីរៀបចំគោលនយោបាយដល់យោធិនណា ដែលបានរួមចំណែកក្នុងបុព្វហេតុរំដោះជាតិ សង្គ្រោះប្រជាពលរដ្ឋ និងប្រទេសជាតិ ព្រមទាំងបានចូលរួមអនុវត្តគោលនយោបាយឈ្នះឈ្នះ របស់រាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខដឹកនាំប្រទេស ។
សេចក្តីប្រកាសបង្កើតក្រុមការងាររៀបចំអតីតភាព ចំពោះយោធិនក្នុងកងយោធពលខេរមភូមិន្ទ ចុះហត្ថលេខាដោយ ឯកឧត្តមរដ្ឋមន្ត្រី ទៀ បាញ់ ថ្ងៃទី១៥ ខែមីនាកន្លងនេះ គឺជាលើកទី១ ហើយ ដែលគេឃើញថា កំណែទម្រង់ជាបន្តបន្ទាប់របស់ក្រសួងការពារជាតិ បានចាប់ផ្តើមយកចិត្តទុកដាក់កាន់តែខ្លាំងទៀត ដល់យោធិនដែលមានគុណបំណាច់ ដើម្បីធ្វើការតបស្នងសងគុណ ។
យោងតាមសេចក្តីប្រកាស យោធិនណាដែលបានពលិកម្ម និងមានស្នាដៃបំរើជាតិពាក់ព័ន្ធនឹងបុព្វហេតុដូចបានបញ្ជាក់ ក៏ក្រុមការងារនឹងត្រូវសហការស្រាវជ្រាវ និងក្តាប់ឱ្យបានអំពីស្ថានភាពពិតប្រាកដរបស់យោធិននោះផងដែរ ។ យោងតាមសេចក្តីប្រកាសដដែល ក្រុមការងាររៀបចំអតីតភាពចំពោះយោធិន ក្នុងកងយោធពលខេមរភូមិន្ទ ដែលមានសមាសភាពជិត៣០ ដឹកនាំដោយ នាយឧត្តមសេនីយ៍ ភួង ស៊ីផាន ប្រធាន… និងមានអនុប្រធានចំនួន ៣នាក់ ក្នុងនោះអនុប្រធានម្នាក់ គឺ លោកឧត្តមសេនីយ៍ឯក ហ៊ុន ម៉ាណែត ។
