ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន បានដឹកនាំកិច្ចប្រជុំពិនិត្យពិភាក្សា លើពង្រាងស្តង់ដារពិសោធន៍ (Laboratory Standards) និងបទដ្ឋានបច្ចេកទេសសំណង់ (Construction Specification) ដោយមានការចូលរួមពីសំណាក់ ថ្នាក់ដឹកនាំក្រសួង និងមន្ត្រីបច្ចេកទេសជំនាញពាក់ព័ន្ធមួយចំនួនទៀត។
កិច្ចពិភាក្សានេះ ត្រូវបានរៀបចំឡើងនារសៀលថ្ងៃចន្ទ ទី២២ ខែមករា ឆ្នាំ២០២៤ ដើម្បីពិនិត្យ កែសម្រួលខ្លឹមសារ និងប្រមូលធាតុចូលនានាមួយចំនួននៅក្នុងសេចក្តីព្រាងស្តង់ដារពិសោធន៍ និងបទដ្ឋានបច្ចេកទេសសំណង់ឱ្យកាន់តែមានភាពច្បាស់លាស់គ្រប់ជ្រុងជ្រោយក្នុងការអនុវត្តកិច្ចសន្យានីមួយៗ សំដៅលើកកម្ពស់ប្រសិទ្ធភាព និងគុណភាពការងារសាងសង់ហេដ្ឋារចនាសម្ព័ន្ធផ្លូវថ្នល់ឱ្យបានត្រឹមត្រូវទៅតាមបទដ្ឋានបច្ចេកទេស៕
