អាជ្ញាធរជាតិអប្សរា ណែនាំប្រុងប្រយ័ត្នចំពោះសុខភាព


Apsara Anount 30 03 16 2 copy

     អាជ្ញា​ធរ​ជាតិ​អប្សរា បាន​ជូន​ដំណឹង​ដល់​ទេស​ចរណ៍​… សាធារណ​ជន និង​ក្រុម​អ្នក​នាំ​ទេស​ចរណ៍​ទាំង​ឡាយ ​ត្រូវ​យក​ចិត្ត​ទុក​ដាក់​ដល់​សុខ​ភាព​ផ្ទាល់​ខ្លួន​… ដល់​សុខ​ភាព​ភ្ញៀវ​ទេស​ចរណ៍​បរ​ទេស​ ជា​ពិសេស​ក្នុង​ខេត្ត​សៀម​រាប ក្នុង​ស្ថាន​ការណ៍​ដែល​កម្ពុជា​កំពុង​ប្រ​ឈម​នឹង​ការ​កើន​កំដៅ​ ។

     យោង​តាម​ការ​ព្យា​ករណ៍ កំណើន​កំដៅ​សីតុណ្ហ​ភាព​នៅ​កម្ពុជា គឺ​ស្ថិត​ក្នុង​កម្រិត​រវាង​ពី​៣៨​ ទៅ​ ៤០​អង្សា​សេ ដែល​ជា​កម្តៅ​ដ៏​ខ្លាំង​មួយ​កម្រ​ជួប​ប្រ​ទះ​ ។ ភាព​កើន​កម្តៅ​នេះ បាន​នាំ​អោយ​អាជ្ញា​ធរ​ជាតិ​អប្សរា មាន​ការ​បារម្ភ​ចំពោះ​សុខ​ភាព​សាធារណ​ជន​ធ្វើ​ដំណើរ​… និង​អ្នក​ទេស​ចរណ៍​មួយ​ចំនួន​ដែល​មិន​ទាន់​ស៊ាំ​នឹង​អាកាស​ធាតុ​ក្តៅ​បែប​នេះ​ ក្នុង​គ្រា​ដែល​កំពុង​ទស្សន​កិច្ច​ក្នុង​តំបន់​ឧទ្យាន​អង្គរ ។ អាជ្ញា​ធរ​ជាតិ​អប្សរា បាន​ជូន​ដំណឹង​ដល់​ក្រុម​ហ៊ុន​នាំ​ភ្ញៀវ​ទេស​ចរណ៍​អន្តរ​ជាតិ​នានា​… អ្នក​បើក​បរ​រថយន្ត​ទេសចរណ៍​ និង​សាធារណ​ជន​ទូទៅ​ផង​ដែរ គប្បី​យក​ចិត្ត​ទុក​ដាក់​ ៤ចំណុចៈ

     ទី​១/ ទទួល​ទាន​ទឹក​ឲ្យ​បាន​គ្រប់​គ្រាន់ ជៀស​វាង​កើត​មាន​បញ្ហា​ផ្នែក​សុខ​ភាព​ណា​មួយ

     ទី​២/ ពាក់​មួក​ដើម្បី​ការពារ​កម្តៅ​ថ្ងៃ ជា​ពិសេស​ចូល​រួម​ប្រើ​ប្រាស់​មួក​ស្លឹក​ត្នោត​ ដែល​ជា​អត្ត​សញ្ញាណ​ជាតិ​ខ្មែរ

     ទី៣​/ ប្រើ​ប្រាស់​ផលិត​ផល​ការពារ​ស្បែក​ ជៀស​វាង​ផល​ប៉ះ​ពាល់​ដោយ​កម្តៅ​ថ្ងៃ

     ទីទី​៤/ ស្លៀក​សម្លៀក​បំពាក់​សមរម្យ ដែល​បង្ក​ភាព​ងាយ​ស្រួល​ដល់​ខ្លួន ស្រប​តាម​ក្រម​ប្រ​តិបត្តិ​អង្គរ ។

     ដោយ​ឡែក សមាគម​ទី ភ្នាក់​ងារ​ទេស​ចរណ៍ សមាគម​មគ្គុ​ទេ្ទស​ក៍​ទេស​ចរណ៍ មគ្គុ​ទេសន៍​ទេស​ចរណ៍ ក្រុម​ហ៊ុន​ទេស​ចរណ៍ សមាគម​អ្នក​បើក​បរ​រថយន្ត​ដឹក​ជញ្ជូន​ភ្ញៀវ​ទេស​ចរ អ្នក​បើក​បរ​ដឹក​ភ្ញៀវ​ទេស​ចរណ៍​ ​គប្បី​ចូល​រួម​សហ​ការ​យ៉ាង​ជិត​ស្និទ ​គឺ​ណែ​នាំ​ និង​ចែក​រំលែក​ព័ត៌មាន​ជូន​ភ្ញៀវ​ទេស​ចរណ៍​ អំពី​សា្ថន​ភាព​អាកាស​ធាតុ​ក្តៅ​ និង​មធ្យោ​បាយ​ការពារ​ឲ្យ​បាន​តាម​គ្រប់​រូប​ភាព ​និង​តាម​លទ្ធ​ភាព​ដែល​អាច​ធ្វើ​ទៅ​បាន, កំណត់​កាល​វិភាគ​ទស្សនា​ឲ្យ​បាន​សម​រម្យ ជៀស​វាង​រៀប​ចំ​ដំណើរ​ទស្សន​កិច្ច​ច្រើន​កន្លែង​ពេក​ក្នុង​មួយ​ថ្ងៃ, និង​យក​ចិត្ត​ទុក​ដាក់​ខ្ពស់​លើ​សុវត្ថិ​ភាព​ជូន​ភ្ញៀវ​ជាតិ​និង​អន្តរ​ជាតិ​ ។