សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងក្រុមគ្រួសារ នាំយកនូវគ្រឿងឧបភោគ-បរិភោគ ចង្ហាន់បិណ្ឌបាត្រ និងបច្ច័យមួយចំនួន ចូលរួមពិធីកាន់បិណ្ឌទី ៩ នៅវត្តមុន្នីសុវណ្ណ


សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ស្ត្រីទីមួយនៃកម្ពុជា​ និងជាប្រធានកាកបាទក្រហមកម្ពុជា​ និងក្រុមគ្រួសារ អមដំណើរដោយថ្នាក់ដឹកនាំ-មន្ត្រីរាជការគ្រប់លំដាប់ថ្នាក់​ និងពុទ្ធបរិស័ទជាច្រើននាក់​ បាននាំយកនូវគ្រឿងឧបភោគ-បរិភោគ ចង្ហាន់បិណ្ឌបាត្រ​ និងបច្ច័យមួយចំនួន​ ចូលរួមពិធីកាន់បិណ្ឌទី​ ៩ នៅវត្តមុន្នីសុវណ្ណ (ហៅវត្តចំពុះក្អែក)​ ស្ថិតនៅសង្កាត់ព្រែកថ្មី ច្បារអំពៅ រាជធានីភ្នំពេញ។

ពិធីនេះធ្វើឡើងនៅថ្ងៃ​ ៩រោជ ខែភទ្របទ ត្រូវនឹងថ្ងៃទី១៤​ ខែកញ្ញា ត្រូវនឹងវេនកាន់បិណ្ឌទី៩ ស្របពេលដែលប្រជាពលរដ្ឋជាពុទ្ធសាសនិកទូទាំងប្រទេសកម្ពុជា កំពុងចូលរួមសប្បាយ រីករាយប្រកបដោយសទ្ធាជ្រះថ្លា ក្នុងការនាំយកនូវទេយ្យទាន និងគ្រឿងឧបភោគ-បរិភោគ ទៅវេរប្រគេនព្រះសង្ឃនៅគ្រប់ទីអារាមទូទាំងប្រទេស ដើម្បីឧទ្ទិសកុសលផលបុណ្យដល់ដួងវិញ្ញាណក្ខន្ធជីដូនជីតា បុព្វការីជន​ ញាតិការទាំង៧សន្តាន ដែលបានចែកឋានទៅកាន់បរលោក៕