ឯកឧត្តមបណ្ឌិត ហង់ ពៅ អគ្គនាយកអាជ្ញាធរជាតិអប្សរា នាព្រឹកថ្ងៃទី២៣ ខែមករា ឆ្នាំ២០២៦ បានទទួលជួបលោក Flavio Bonetti តំណាងអង្គការយូណេស្កូ ដែលទើបតែងតាំងថ្មីប្រចាំកម្ពុជា ដើម្បីសម្តែងការគួរសម និងពិភាក្សាការងារ។
អគ្គនាយកអាជ្ញាធរជាតិអប្សរា បានសម្តែងនូវការស្វាគមន៍ និងអបអរសាទរចំពោះ លោកតំណាងអង្គការយូណេស្កូថ្មី។
ក្នុងឱកាសនោះ ភាគីទាំងពីរ បានតាំងចិត្តយ៉ាងមោះមុត ក្នុងការបន្តភាពជាដៃគូ ពង្រឹង និងពង្រីកកិច្ចសហប្រតិបត្តិការនានា លើការអភិរក្ស និងអភិវឌ្ឍន៍រមណីយដ្ឋាន អង្គរបេតិកភណ្ឌពិភពលោក ប្រកបដោយចីរភាព៕
