ព្រឹកថ្ងៃទី៧ ខែតុលា ឆ្នាំ២០២៦ ឯកឧត្តម ស្បោង សារ៉ាត ប្រធានក្រុមប្រឹក្សាខេត្ត និងកូន ចៅៗ ព្រមទាំងឯកឧត្ដម លោកជំទាវ សមាជិកក្រុមប្រឹក្សាខេត្ត ក្រុមការងារចុះជួយស្រុក ឃុំ ក្រុមប្រឹក្សា គណៈអភិបាលស្រុក អាជ្ញាធរមូលដ្ឋានឃុំ អញ្ជើញចូលរួមជាមួយ បងប្អូនពុទ្ធបរិស័ទ កាន់បិណ្ឌទី១១ នៃបុណ្យភ្ជុំ បិណ្ឌប្រពៃណីជាតិខ្មែរ ស្ថិតនៅវត្តយោត ស្រុកពារាំង ខេត្តព្រៃវែង ។
នាឱកាសកាន់បិណ្ឌនេះ ឯកឧត្តមប្រធាន និងសហការី បានរៀបចំនាំយកសម្ភារ ភេសជ្ជៈ គ្រឿងឧបភោគបរិភោគ និងចង្ហាន់ប្រគេនព្រះសង្ឃ ដើម្បីបក្សុកូលជូន បុព្វការីជន ញ្ញាត្តិកាល៧សន្ដាន ដែលបានចែកឋានទៅ កើតក្នុងកន្លែងដែលមិនសមគួរ សូមឧទ្ទិសកុសលផលបុណ្យជូនដួងវិញ្ញាណក្ខន្ធបុព្វការីជន ញ្ញាត្តិកាល៧សន្ដានទាំងនោះ អោយបានរួមផុតទុក្ខទោស ទៅកាន់សុខគតិភព កុំបីឃ្លៀងឃ្លាតឡើយ។
ឯកឧត្តម ស្បោង សារ៉ាត និងកូន ចៅៗ ព្រមសហការី រួមជាមួយពុទ្ធបរិស័ទបាននាំយកគ្រឿង ឧបភោគបរិភោគ និងបច្ច័យចំនួន១១,៥១០,០០០រៀលចូលបុណ្យ ដើម្បីចូលរួមចំណែកកសាងសមិទ្ធផលនានានៅក្នុងវត្តផងដែរ ៕
