នាព្រឹកថ្ងៃទី១៩ ខែតុលា ឆ្នាំ២០២៦នេះ ឯកឧត្តម ហួត ឃាងវេង រដ្ឋលេខាធិការក្រសួងព័ត៌មាន និងជាអនុប្រធានទី១ ក្រុមការងាររាជរដ្ឋាភិបាលចុះមូលដ្ឋានស្រុកស្នួល ខេត្តក្រចេះ បានអញ្ជើញដឹកនាំវេទិកាសាធារណៈ ដើម្បីតាមដានត្រួតពិនិត្យ និងគាំទ្រការអនុវត្តកម្មវិធីនយោបាយយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នៅភូមិបាត់ហើយ ឃុំស្រែចារ ស្រុកស្នួល ខេត្តក្រចេះ។
វេទិកានេះមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាសមាជិកក្រុមការងារថ្នាក់កណ្តាល ថ្នាក់ខេត្ត ថ្នាក់ស្រុក ថ្នាក់ឃុំនិងប្រជាពលរដ្ឋចំនួន ១៥៦នាក់។
វេទិកាខាងលើ ក៏មានការចូលរួមពីមន្ត្រីអត្តសញ្ញាណកម្ម ដើម្បីផ្តល់សេវាធ្វើអត្តសញ្ញាណប័ណ្ណចល័ត និងបន្តសុពលភាពជូនប្រជាពលរដ្ឋផងដែរ៕
