ថ្ងៃទី២៨ ខែតុលា ឆ្នាំ២០២៦ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច បានអញ្ជើញបន្តដឹកនាំកិច្ចប្រជុំជាមួយថ្នាក់ដឹកនាំ និងមន្រ្តីជំនាញ ទទួលបន្ទុកការងារដោះស្រាយបណ្ដឹង នៅទីស្ដីការក្រសួង ដើម្បីបន្តពិនិត្យ និងពិភាក្សាលើករណីបណ្ដឹងផ្សេងៗទៀតរបស់ប្រជាពលរដ្ឋនៅតាមបណ្ដាខេត្ត ដែលក្រសួងបានទទួលដោះស្រាយ សំដៅពិនិត្យមើលឱ្យបានច្បាស់លាស់ទៅលើទិដ្ឋភាពច្បាប់ អង្គហេតុជាក់ស្តែង ព្រមទាំងពន្លឿនការដោះស្រាយបណ្តឹង និងស្វែងរកដំណោះស្រាយសមស្របជូនភាគីពាក់ព័ន្ធ ដើម្បីធានាបាននូវភាពយុត្តិធម៌ តម្លាភាព និងការទុកចិត្តរបស់ប្រជាពលរដ្ឋបន្ថែមទៀត លើយន្តការដោះស្រាយបណ្ដឹងរបស់ក្រសួងអធិការកិច្ច។
