រាជធានីភ្នំពេញ ៖ ថ្ងៃទី១០រោជ ខែមិគសិរ ឆ្នាំរកា នព្វស័ក ព.ស ២៥៦១ត្រូវនឹង នាថ្ងៃទី១៣ ខែធ្នូ ឆ្នាំ២០១៧ នៅអាកាសយានដ្ឋានអន្តរជាតិភ្នំពេញ បានទទួលការវិលត្រឡប់មកវិញម្ចាស់មេដាយសំរឹទ្ធយុវសិស្សនារី កញ្ញា ប៊ុនថន ចរិយា ជាសិស្សមកពីវិទ្យាល័យព្រះបាទសុរាម្រឹត ខេត្តកំពង់ឆ្នាំង នៅក្នុងការចូលរួមប្រកួតប្រជែងអ្នកវិទ្យាសាស្ត្រវ័យក្មេងអូឡាំព្យាដអន្តរជាតិលើកទី១៤ នៅប្រទេសហូឡង់។
សូមរំលឹកផងដែរថា ក្រសួងអប់រំ យុវជន និងកីឡា បានបញ្ជូនសិស្សដែលមានអាយុក្រោម១៦ឆ្នាំ ចំនួន៦នាក់ ទៅចូលរួមប្រកួតប្រជែងអ្នកវិទ្យាសាស្ត្រវ័យក្មេងអូឡាំព្យាដអន្តរជាតិលើកទី១៤ នៅប្រទេសហូឡង់ ដែលបានប្រព្រឹត្តទៅចាប់ពីថ្ងៃទី០៣ ដល់ថ្ងៃទី១២ ខែធ្នូ ឆ្នាំ២០១៧ ។ ដោយសិស្សកម្ពុជាបានចូលរួមប្រកួតក្នុងចំណោមសិស្សចំនួន៣០០នាក់ មកពី៥០ប្រទេស។
