រាជធានីភ្នំពេញ៖ កម្មវិធីសៀវភៅសម្រាប់អាស៊ី-កម្ពុជា ជាគម្រោងកិច្ចសហការរវាងសាកលវិទ្យាល័យភូមិន្ទភ្នំពេញ និងអង្គការមូលនិធិអាស៊ី ត្រូវបានដាក់ឲ្យដំណើរការឲ្យប្រើប្រាស់ជាផ្លូវការ ក្រោមអធិបតីភាពឯកឧត្តម បណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា នាថ្ងៃអង្គារ១៤កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៣០ ខែមករា ឆ្នាំ២០១៨ នៅសាកលវិទ្យាល័យភូមិន្ទភ្នំពេញ។
សៀវភៅដែលត្រូវផ្តល់ជូន មានចំនួនសរុប ១៥០០០ក្បាល ដែលជាសៀវភៅថ្មីៗ សម្រាប់ជំនួយដល់ការអប់រំ និងស្រាវជ្រាវសម្រាប់និស្សិតដែលកំពុងសិក្សានៅកម្រិតថ្នាក់ឧត្តមសិក្សា ទាក់ទងនឹងវិទ្យាសាស្រ្ត វិស្វកម្ម គណិតវិទ្យា បរិស្ថាន សុខភាព និងវប្បធម៌ ជាដើម។
