នៅរសៀលថ្ងៃទី០២ ខែកក្កដា ឆ្នាំ២០១៦នេះ ឯកឧត្តម សំរិទ្ធ សារុន អនុប្រធានខុទ្ទកាល័យ គណៈកម្មាធិការកណ្តាលគណបក្ស ប្រជាជនកម្ពុជា និងជាទីប្រឹក្សាផ្ទាល់សម្តេចពញាចក្រី ហេង សំរិន បានអញ្ជើញចូលរួមរំលែកមរណទុក្ខក្រុមគ្រួសារសពលោកតា គឹម យិន អតីតប្រធានគណៈកម្មាធិការប្រជាជនបដិវត្តកម្ពុជាខេត្តកំពង់ធំ និងជាអគ្គនាយកវិទ្យុ ទូរទស្សន៍កម្ពុជា ដែលបានទទួលមរណភាពកាលពីរាត្រីថ្ងៃទី០១ ខែកក្កដា ឆ្នាំ២០១៦ដោយរោគាពាធ។ នៅក្នុងឱកាសដ៏ក្រៀមក្រំនោះឯកឧត្តម បានសំដែងនូវការសោកស្តាយអាឡោះអាល័យចំពោះគ្រួសារសព និងបានចូលបុណ្យថវិកាចំនួន ៣លានរៀលផងដែរ។
