កំពង់ចាម ៖ ក្នុងគោលដៅលើកកម្ពស់វិស័យកីឡា បង្កើនការថែរក្សាសុខភាពរបស់សិស្សានុសិស្សជៀសវាងការប្រើប្រាស់ពេលវេលាទៅលើរឿងខុសឆ្គងផ្សេងៗ ក្លឹបតេក្វាន់ដូ វិទ្យាល័យ ហ៊ុន សែន ពាម ជីកង បានរៀបចំការប្រឡងតម្លើងខ្សែក្រវាត់ពណ៌ លើកទី១ ឆ្នាំ២០១៨ ដែលផ្ដល់ឱកាសដល់សិស្សានុសិស្សជាច្រើនរូបចូលរួមប្រឡង។
កម្មវិធីប្រឡងតម្លើងខ្សែក្រវាត់ពណ៌នេះ ត្រូវបានរៀបចំឡើងក្រោមអធិបតីភាពឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាព្រឹកថ្ងៃអាទិត្យ ១១រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ នៅវិទ្យាល័យ ហ៊ុន សែន ពាម ជីកង។ សូមជម្រាបថា នេះជាលើកទីមួយហើយ ដែលក្លឹបតេក្វាន់ដូ វិទ្យាល័យ ហ៊ុន សែន ពាម ជីកង រៀបចំការប្រឡងនេះឡើង៕