សិស្សានុសិស្សដែលជាប់សញ្ញាបត្រមធ្យមសិក្សាទុតិយភូមិ និទ្ទេស A B Cក្នុងខេត្តរតនគិរី បានទទួលអនុសាសន៍ល្អៗពីឯកឧត្តមអភិបាលខេត្ត

ឯកឧត្តម ថង សាវុន បានបន្តថានេះជាលើកទីមួយហើយសម្រាប់ខេត្តរតនគិរី ដែលមានបេក្ខជនប្រលងជាប់និទ្ទេស A បើទោះបីមានចំនួនតែមួយនាក់ក៏ដោយក៏ជា កិតិ្តយសសម្រាប់ខេត្តរតនគិរីរបស់ដែរ ។

ឯកឧត្តម ថង សាវុន បានធ្វើការកោតសរសើរ និងវាយតម្លៃខ្ពស់ផងដែរ ចំពោះសកម្មភាព របស់លោកគ្រូ អ្នកគ្រូ ដែលបានចូលរួម បង្រៀនបំប៉ន់មុនការប្រលងដែរសកម្មភាពនេះបង្ហាញពីលើកកម្ពស់គុណភាពអប់រំក្នុងខេត្ត យ៉ាងពិតប្រាកដដែលភស្តុតាងបានបញ្ជាក់ស្រាប់នោះ គឺភាគរយនៃសិស្សប្រឡងសញ្ញា បត្រមធ្យមសិក្សាទុតិយភូមិឆ្នាំ ២០១៨ ការប្រឡងមានចំនួនខ្ពស់ក្នុងរង្វង់ ៨០,៨៧%។ ម៉្យាងទៀតលោកគ្រូ អ្នកគ្រូ ពិតជាបានចូលរួមយ៉ាងសកម្ម ក្នុងការផ្តល់ការគាំទ្រ ដល់កិច្ចខិតខំប្រឹងប្រែងរបស់រាជរដ្ឋាភិបាលដែលមាន សម្តេចតេជោ ហ៊ុន សែន ជាប្រមុខ លើការកែទម្រង់ជាតិ ជាពិសេសកំណែរទម្រង់ស៊ីជម្រៅលើវិស័យអប់រំក្នុងគោលបំណង ដើម្បីការអភិវឌ្ឍន៍ ភាពសុខដុមរមនា វិបុលភាព និងសន្តិភាពរបស់កម្ពុជា ។ ឯកឧត្តម អភិបាលខេត្តបានផ្តាំផ្ញើរដល់ក្មួយៗត្រូវពិនិត្យ និងពិចារណាអោយបានល្អិតល្អន់នូវមុខវិជ្ជា ណាមួយដែរសមស្របតាមទីផ្សារការងារអោយត្រូវនឹងបច្ចុប្បន្នភាពមុននិងបន្តចូលរៀននូវ សកលវិទ្យាល័យនានានាពេលខាងមុននេះ។

ក្នុងឳកាសនេះឯកឧត្តមអភិបាលក៏បានប្រគល់ម៉ូតូ ១គ្រឿង និងកុំព្យូទ័រយួរដៃ ១គ្រឿង ជូនដល់ប្អូន ប្រុស ម៉ក់ យិត ដែលបានប្រលងជាប់និទ្ទេស A ។ ដោយឡែកសិស្សប្រលង ជាប់និទ្ទេស B ចំនួន ៣ នាក់ ក្នុង ១ នាក់ទទួលបានថវិការ ៥០ ម៉ឺនរៀល ។ និទ្ទេស C ចំនួន ៤៩ ក្នុង ១ នាក់ ទទួលបានថវិការ ៣០ ម៉ឺនរៀល ។ លោកគ្រូ អ្នកគ្រូ ដែលបានបង្រៀនបំប៉ន់ ៣២ នាក់ ក្នុង ១ នាក់ទទួលថវិការ ៤០ ម៉ឺនរៀលផងដែរ។

គួរបញ្ជាក់ផងដែរថានៅទូទាំងខេត្តរតនគិរី បេក្ខជនដែលបានប្រលងជាប់សញ្ញាបត្រ មធ្យមសិក្សាទុតិយភូមិសម័យប្រលង ២០ សីហា ឆ្នាំ ២០១៨ មានចំនួន ៧៥២ នាក់ ក្នុងចំណោម បេក្ខជន ៩០៧ នាក់ ក្នុងនោះជាប់និទ្ទេស A ចំនួន ១ នាក់ និទ្ទេស B ចំនួន ៣ នាក់ និទ្ទេស C ចំនួន ៤៩ នាក់ និទ្ទេស D ចំនួន ១៩៦ នាក់ និងនិទ្ទេស E ចំនួន ៤៧២ នាក់ ៕