ឯកឧត្តម ​សុខ​ ឥសានបានចំអកតបវិញថាតើ អស់លោកប្រឆាំង​ទាំង ក្នុង​និងក្រៅប្រទេសភ្លឺភ្នែក ហើយប្ញនៅ​ ?


ភ្នំពេញ​: ក្រោយពីក្រុមប្រឆាំង តែងតែនិយាយក្ដែងៗ ថាសហភាពអឺរ៉ុប នឹងដាក់ទណ្ឌកម្មសេដ្ឋកិច្ចលើកម្ពុជា ស្រាប់តែពេលនេះសហភាព អឺរ៉ុបផ្ដល់ភាពអនុគ្រោះ ពន្ធរហូតដល់ឆ្នាំ២០២៧ នោះ​ឯកឧត្តម ​សុខ​ ឥសានអ្នកនាំពាក្យ គណបក្សប្រជាជនកម្ពុជា បានចំអកតបវិញថាតើ អស់លោកប្រឆាំង​ទាំង ក្នុង​និងក្រៅប្រទេសភ្លឺភ្នែក ហើយប្ញនៅ​ ?

ឯកឧត្តម សុខ​ ឥសាន​ បានលើកឡើងតាមរយ:បណ្ដាញ សង្គម​តេឡេ​ក្រាមនៅរាត្រីថ្ងៃទី៤ តុលានេះថាសភាពាណិជ្ជកម្មសហភាពអឺរ៉ុប បន្តផ្តល់ភាពអនុគ្រោះពន្ធ EBA ដល់កម្ពុជារហូត ដល់ឆ្នាំ​ ២០២៧​ ដោយផ្អែកលើស្ថានភាព សេដ្ឋកិច្ចកម្ពុជា​លោក ឯកអគ្គរដ្ឋទូតសហភាព អឺរ៉ុបបានមានប្រសាសន៏ ថាសភាពាណិជ្ជកម្មសហភាព អឺរ៉ុបនឹងបន្តផ្តល់ភាពអនុគ្រោះ​ពន្ធ​ EBA ដល់កម្ពុជារហូតដល់ឆ្នាំ​ ២០២៧​ ។

ឯកឧត្តម​ សុខ​ ឥសាន​បញ្ជាក់ថាបើយ៉ាងដូច្នេះ​ តើពួកប្រឆាំង​និងពួក អមិត្តទាំងក្នុងនិងក្រៅប្រទេសបាន ភ្លឺភ្នែកហើយឬនៅ​ ? ដូច្នេះ​ បើកម្ពុជានៅទទួលបានភាពអនុគ្រោះពន្ធEBA តទៅទៀត​ មានន័យថា នៅកម្ពុជា​គ្មានការរំលោភ សិទ្ធិមនុស្ស​ ទេហើយលទ្ធិប្រជាធិបតេយ្យ នៅកម្ពុជាក៏មិនដើរថយក្រោយ អ្វីដែរ​ ដូចពួកប្រឆាំងគ្រប់ប្រភេទនិយាយនោះដែរ​៕