ឯកឧត្តម សុខ ឥសាន បានលើកឡើង ថា ” ពេលដែលឆ្កែព្រុសយើង ជាមនុស្សមិនព្រុសតបទៅឆ្កែវិញទេ”


ភ្នំពេញ៖ ទោះបីមិនបានបញ្ចេញ ឈ្មោះក្តីអ្នកនាំពាក្យគណបក្ស ប្រជាជនកម្ពុជា ឯកឧត្តម សុខ ឥសាន បានធ្វើការ ប្រៀបធៀបក្រុមប្រឆាំង នៅក្រៅប្រទេសគឺជា សត្វឆ្កែដែលកំពុងព្រុសមនុស្ស តែមនុស្សមិនព្រុសវិញនោះទេ គឺមនុស្សចេះតែដើរទៅមុខជានិច្ច ។

ឯកឧត្តម សុខ ឥសាន បានលើកឡើងតាមប្រព័ន្ធ តេឡេក្រាមនៅថ្ងៃទី១ វិច្ឆិកានេះថា ” ពេលដែលឆ្កែព្រុសយើង ជាមនុស្សមិនព្រុសតបទៅឆ្កែវិញទេ​” ។

ឯកឧត្តម​បន្តថា “​នៅពលដែលសភាពការណ៍ នយោបាយកម្ពុជាបាននិងកំពុង រីកចម្រើនទៅមុខ​មាន ពពួកឆ្កែទាំងក្នុងស្រុក​ ទាំងក្រៅស្រុក​នាំគ្នាបំផុសបញ្ហាផ្សេងៗ ជាចំណុចអវិជ្ជមានដើម្បី បំភិតបំភ័យនិងបំភ័ន្ត មតិប្រជាជនកម្ពុជា​” ។

ឯកឧត្តមបន្តថា នៅពេលថ្នាក់ដឹកនាំ រាជរដ្ឋាភិបាលកម្ពុជានៅក្នុងស្រុក​ គេថាចាំដល់ទៅក្រៅប្រទេស អន្តរជាតិនឹងដាក់គំនាបបង្ខំ ឲ្យស្តារឡើងវិញលទ្ធិប្រជាធិបតេយ្យ និងសិទ្ធិមនុស្ស​ ។ ហើយ នៅពេលប្រមុខរាជរដ្ឋាភិបាល នៅក្រៅប្រទេស​ គេថាមានការគាបសង្កត់ហើយ ដល់ចូលប្រទេសវិញនឹង មានការចរចារកដំណោះស្រាយ​ដូចពួកគេចង់បានជាមិនខាន​ ។

​ឯកឧត្តមបញ្ជាក់ថា “ទោះពួកគេនិយាយថា យ៉ាងណា​ក៏សភាពការណ៍នៅតែវិវត្តន៍ ទៅមុខជាធម្មតាដដែលស្ថិរភាព នយោបាយនៅតែមានជីវភាព រស់នៅរបស់ប្រជាជន នៅតែរីកចម្រើនទៅមុខ​ ប្រជាជនសប្បាយរីករាយនឹងសន្តិភាព​ ស្ថិរភាពនយោបាយ​ គិតតែសប្បយរីករាយ នឹងធ្វើបុណ្យទានតាមទីវត្តអារ៉ាម​តាមភូមិ​ ឃុំ មិនខ្វល់នឹងអាណាជាប់គុក​ អាណារត់ចោលស្រុក​ និអាណាធ្វើបាតុកម្មឡើយ​” ។

ឯកឧត្តមបន្ថែមថា ដូច្នេះ​ ការនិយាយបំផុសពី បញ្ហាផ្សេងៗផ្ទុយពីការពិត​ គ្មានប្រសិទ្ធភាពចំពោះ ប្រជាជនកម្ពុជាទាល់តែសោះ​ទោះពួកគេនិយាយថា យ៉ាងណាក៏គ្មានបានការដែរ ពីព្រោះប្រជាជនបានដឹងការ ពិតអស់ហើយទុកឲ្យពួកអគតិ ទាំងនោះនិយាយអីនិយាយទៅ​មិនបាច់ខ្វល់ជាមួយពួកគេឡើយ​ ប្រៀបនឹងឆ្កែព្រុស​ យើងកុំព្រុសតាមឆ្កែអី​ ៕