យុទ្ធនាការលើកទីពីរក្រោមប្រធានបទ៖ “ការបើកបរដោយសុវត្ថិភាព”

យុទ្ធនាការនេះបានប្រព្រឹត្តទៅក្រោមប្រធានបទ៖ “ការបើកបរដោយសុវត្ថិភាព” ចាប់ពីថ្ងៃទី០៥ ដល់ថ្ងៃទី ១១ ខែវិច្ឆិកា ឆ្នាំ២០១៨ នៅទូទាំងប្រទេស ក្រោមការចង្អុលបង្ហាញណែនាំពីក្រសួងសាធារណការ និង ដឹកជញ្ជូន គណៈកម្មាធិការជាតិសុវត្ថិភាពចរាចរណ៍ផ្លូវគោក និងក្រសួងមហាផ្ទៃ ដើម្បីនាំមកនូវការផ្លាស់ ប្តូរឥរិយាបថរបស់អ្នកបើកបររយៈពេលយូរអង្វែង។

យុទ្ធនាការនេះបានផ្តល់នូវចំណេះដឹងមូលដ្ឋានគ្រឹះអំពីសុវត្ថិភាពចរាចរណ៍ផ្លូវគោក រួមជាមួយនឹងការ អនុវត្តល្អៗដូចជា៖ ការពាក់មួកសុវត្ថិភាព ការពាក់ខ្សែក្រវ៉ាត់សុវត្ថិភាពឱ្យបានត្រឹមត្រូវ ការបើកបរក្នុងល្បឿនសមស្របដូចបានកំណត់នៃច្បាប់ ការមិនប្រើប្រាស់ទូរសព្ទក្នុងពេលបើកបរ មិនត្រូវបើកបរក្នុងស្ថានភាពស្រវឹង ក៏ដូចជាការប្រើប្រាស់ គំហើញបានសមស្របក្នុងការបើកបរឱ្យមានសុវត្ថិភាពជាដើម។