កំពង់ឆ្នាំងៈ នៅព្រឹកថ្ងៃទី១២ ខែមករា ឆ្នាំ២០១៧ ឯកឧត្តម ឧកញ៉ា អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី អញ្ជើញជាអធិបតីក្នុងពិធីសម្ពោធស្នាក់ការគណ:អ៊ីម៉ាំខេត្តកំពង់ឆ្នាំង ស្ថិតក្នុងភូមិព្រៃពិស ឃុំច្រេស ស្រុកកំពង់ត្រឡាច។
ពិធីនេះ ក៏មានការអញ្ជើញចូលរួមពីសំណាក់លោកឧកញ៉ា សុះ កំរី ចាងហ្វាងនៃគណ:ដឹកនាំជាន់ខ្ពស់នៃសាសនាឥស្លាមកម្ពុជា ឯកឧត្តម ហ្សាការីយ៉ា អាដាម រដ្ឋមន្ត្រីប្រតិភូអមនាយករដ្ឋមន្ត្រី ឯកឧត្តម លោកជំទាវ យុវជន យុវនារី និង បងប្អូនប្រជាពលរដ្ឋ ជាច្រើនកុះករ។
អាគារស្នាក់ការគណ:អ៊ីម៉ាំនេះ ចំណាយថវិកាចំនួន ១៣ ១២១ ដល្លា ទទួលបានពីបងប្អូនប្រជាពលរដ្ឋសាសនិកឥស្លាមក្នុងខេត្តកំពង់ឆ្នាំង សប្បុរសជនក្នុង និង ក្រៅប្រទេស។
