នៅថ្ងៃពុធ ១០រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី២៣ ខែតុលា ឆ្នាំ២០១៩ ឯកឧត្តម ម៉ៅ ហាក់ និងក្រុមការងារ បានចុះពិនិត្យលេីការការពារច្រាំងទន្លេមេគង្គ នៅខេត្តកំពង់ចាម ដូចខាងក្រោម ៖
១-សហការជាមួយប្រធានមន្ទីរធនធានទឹក និងឧតុនិយមខេត្តកំពង់ចាម បានពិនិត្យ វាយតម្លៃស្ថានភាពសំណង់ការពារច្រាំងទន្លេមេគង្គនៅក្រុងកំពង់ចាម ប្រវែង ១៧០ម៉ែត្រ ដែលបានសាងសង់កន្លងមកនេះ គឺមានសភាពល្អធម្មតា ។ ទន្ទឹមនេះ នឹងរៀបចំកិច្ចការមួយចំនួន ដែលនៅសេសសល់ ដូចជា រៀបចំជណ្តេីរចុះ និងបំពេញដី សម្អាតបរិវេណការដ្ឋានឲ្យបានល្អស្អាត ។
២-បន្ទាប់មក បានចុះពិនិត្យទីតាំងរអិលដីស្រុតចុះ ប្រវែង ២០ម៉ែត្រ នៅជ្រោយថ្ម ត្រង់សាលាសង្កាត់កំពងចាម ក្រុងកំពង់ចាម ជាមួយ ឯកឧត្ដម អ៊ុន ចាន់ដា អភិបាលខេត្តកំពងចាម ព្រមទាំងមន្ទីរធនធានទឹក និងឧតុនិយម ដេីម្បីរកវិធានការពារបន្ទាន់ ។
៣-នៅរសៀលថ្ងៃនេះដែរ លេីការការពារច្រាំងទន្លេ នៅឃុំពាមកោះស្នា និងឃុំព្រះអណ្តូង ស្រុកស្ទឹងត្រង់ ខេត្តកំពង់ចាម បានរៀបចំ ក្រុមការងារនាយកដ្ឋានជលសាស្ត្រ និងការងារទន្លេ ចាប់បន្តការងារការពារច្រាំងទន្លេបន្តទៀត ។
