កិច្ចប្រជុំលើកទី៥របស់ក្រុមប្រឹក្សាខេត្ត ឆ្នាំទី១
អាណត្តិទី៣ឆ្នាំ ២០១៩ បានប្រព្រឹត្តទៅនៅថ្ងៃទី៤ខែវិច្ឆិកាឆ្នាំ២០១៩ នៅសាលប្រជុំសាលាខេត្ត ក្រោមអធិបតីភាព ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ដែលមានវត្តមានឯកឧត្តម ចេង ឡៃ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តពោធិ៍
សាត់ និងសមាសភាពសមាជិកអង្គប្រជុំជាអាទិ៍÷- អភិបាលរងខេត្ត នាយក នាយករង រដ្ឋបាលសាលាខេត្ត ទីចាត់ការមន្ត្រីសាលាខេត្ត,ប្រធានមន្ទីរ អង្គភាព សរុបចំនួន ៦៥ នាក់ ។
អង្គប្រជុំបានដំណើរការដោយកូរ៉ុម សមាជិកសមាជិកា ក្រុមប្រឹក្សាខេត្ត អាចដំណើរការបានគឺមានវត្តមាន ១៩ រូប អវត្តមាន២ រូបៈ
1/ មួយរូប ជាប់បេសកកម្មប្រជុំភ្នំពេញ
2/ មានជម្ងឺសម្រាកព្យាបាលនៅមន្ទីរពេទ្យខេត្ត
របៀបវារៈអង្គប្រជុំមានចំនួន៤÷
1_ពិនិត្យ នឹងអនុម័តសេចក្តីព្រាងកំណត់ហេតុកិច្ចប្រជុំសាមញ្ញលើកទី៤ ឆ្នាំទី១ អាណត្តិទី៣ របស់ក្រុមប្រឹក្សាខេត្ត
2_ ពិនិត្យ នឹងអនុម័តសេចក្តីព្រាងរបាយការណ៍ប្រចាំខែតុលាឆ្នាំ២០១៩របស់រដ្ឋបាលខេត្ត
3_របាយការណ៍គណៈកម្មាធិការនានា របស់ក្រុមប្រឹក្សាខេត្ត
4_បញ្ហាផ្សេងៗ
សមាជិក សមាជិកាក្រុមប្រឹក្សាខេត្ត បានមានមតិចូលរួមយ៉ាងផុលផុស និងបានអនុម័តលើរបៀបវារៈទី១និងទី២ ។ បន្ទាប់ពីឯកឧត្តម ចេង ឡៃ អភិបាលរងខេត្ត តំណាងដ៏ខ្ពង់ខ្ពស់ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្តពោធ៍សាត់ មានមតិចូលរួមរួចមក ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ក្នុងនាមគណៈអធិបតី បានធ្វើការបូកសរុប និងផ្តល់អនុសាសន៍មួយចំនួនដែលត្រូវអនុវត្តន៍ពាក់ព័ន្ធ និងសភាពការណ៍ថ្មីៗនេះ ។
ឯកឧត្តមប្រធានក្រុមប្រឹក្សាខេត្តក៏បាន កោតសរសើរផងដែរ ដល់ការដឹកនាំរបស់ឯកឧត្តម អភិបាលខេត្ត ដែលមានចក្ខុវិស័យច្បាស់លាស់ ធ្វើឲ្យខេត្តពោធិ៍សាត់មានការអភិវឌ្ឍន៍រីកចំរើន ពិសេសការកែលម្អសោភ័ណភាពក្រុងពោធិ៍សាត់ ធ្វើឲ្យមានការចាប់អារម្មណ៍ និងទាក់ទាញ ។ ឯកឧត្តម ម៉ក់ រ៉ា បានផ្តល់អនុសាសន៍គឺ គណៈបញ្ជាការឯកភាពគ្រប់ជាន់ថ្នាក់ អាជ្ញាធរគ្រប់ជាន់ថ្នាក់ មន្ត្រីរាជការ ត្រូវអនុវត្តន៍ តាមលិខិតជូនដំណឹង របស់ក្រសួងមហាផ្ទៃថ្មីៗនេះ លេខ ២៧១៨ សជណ ចុះថ្ងៃទី ៣០ ខែតុលា ឆ្នាំ ២០១៩ ស្តីពីវិធានការ ដើម្បីបង្កើនការថែរក្សាសន្តិសុខសណ្តាប់ធ្នាប់សាធារណៈ និងសុវត្ថិភាព ក្នុងឱកាសពិធីខួបអនុស្សាវរីយ៍ លើកទី ៦៦ នៃទិវាបុណ្យឯករាជជាតិ ៩ វិច្ឆិកា និងពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ២០១៩ ឲ្យបានជាដាច់ខាត ។
អង្គប្រជុំបានបញ្ចប់នៅវេលាម៉ោង១១ នាថ្ងៃដដែល ។
