កំពង់ចាម៖ លោក អ៊ុនចាន់ដា អភិបាលខេត្តកំពង់ចាម បានដឹកនាំមន្ត្រីរាជការកងកម្លាំងប្រដាប់អាវុធ នាំយកបច្ច័យចំនួន១០លានរៀល បុណ្យសពគម្រប់៧ថ្ងៃរបស់សពមាតាសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែននៅរសៀលថ្ងៃទី៩ខែឧសភាឆ្នាំ២០២០។
ពិធីគោរពបុណ្យសព៧ថ្ងៃ របស់អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនាប៊ុនស៊ាងលីមាតា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែននេះគឺបានប្រព្រឹត្តទៅនៅឯស្រុកកំណើតរបស់សម្តេចនៅភូមិគ្រឹះស្ថិតក្នុងភូមិទី២ឃុំរកាខ្នុរស្រុកក្រូចឆ្មារ ខេត្តត្បូងឃ្មុំ។
គួរបញ្ជាក់ថា អ្នកឧកញ៉ា ព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុន ស៊ាងលី បានទទួលមរណ:ភាព កាលពីវេលាម៉ោង២និង១២នាទីទាបភ្លឺថ្ងៃទី៤ខែឧសភាឆ្នាំ២០២០។ដោយនៅព្រឹកថ្ងៃទី៦ខែឧសភាដដែលបានដង្ហែ មកបញ្ចុះនៅស្រុកកំណើតខាងលើ៕
