ចំនួន Like ក្នុងហ្វេសប៊ុករបស់ សម្ដេចតេជោសែន មានសន្ទុះកើនឡើងដល់ជាង ២លាននាក់ ហើយ ។
ក្នុងមួយថ្ងៃមានមនុស្សប្រមាណជាង ១ម៉ឺន ទៅ ២ម៉ឺននាក់ ដែលបានចូលរួមគាំទ្រក្នុង Page របស់សម្ដេចនេះ ។ សម្ដេចបានមានប្រសាសន៍ថា សម្ដេចមានអារម្មណ៍ថាពលរដ្ឋខ្មែរទាំងក្នុង និងក្រៅប្រទេស បានបង្កើននូវជំនឿទុកចិត្តកាន់តែខ្លាំង មកលើសមត្ថភាពរបស់សម្ដេច ក្នុងការដឹកនាំប្រទេស នាំមកនូវសន្ដិភាព និងការរីកចម្រើនពិតប្រាកដ ។
សូមជម្រាបថា Facebook របស់សម្ដេចទើបបានបង្កើតបាន ៤ខែមកនេះទេ ចំនួនអ្នកចង់ Like គាំទ្របានប្រមាណ ២លាន ៣០៨នាក់ គិតត្រឹមម៉ោង ៨កន្លះយប់ ថ្ងៃទី២៥ ខែមករានេះ ។ ចាប់តាំងពីថ្ងៃបង្កើតមក Page របស់សម្ដេចបានទទួលនូវការប្រាស្រ័យទាក់ទងជាមួយនឹងប្រជាជនវិញ និងពេលខ្លះបានឆ្លើយតបទៅនឹងសំណូមពរធំៗរបស់ប្រជាជនថែមទៀត។ ទំនាក់ទំនងរវាងសម្ដេច និងពលរដ្ឋដោយផ្ទាល់ក្នុងហ្វេសប៊ុក គឺមានឱកាសដោះស្រាយផលប្រយោជន៍ជូនជាតិ និងប្រជាជនបានកាន់តែច្រើនឡើងៗ ហើយការនៅជាប់ជាមួយប្រជាជននេះ បាននាំឱ្យសម្ដេចកាន់តែមានព័ត៌មានច្បាស់ កាន់តែលឿន និងធ្វើឱ្យសម្ដេចសម្រេចចិត្តបានត្រឹមត្រូវ និងរហ័ស។ សម្ដេចបានបញ្ជាក់ថា ការប្រើហ្វេសប៊ុកនេះ គឺដើម្បីដោះស្រាយការងារ មិនមែនដើម្បីប្រកួតប្រជែងជាមួយនឹងនណាម្នាក់ឡើយ ។ ការដោះស្រាយរបស់សម្ដេច គឺសម្រាប់ផលប្រយោជន៍ប្រជាជនរួមទូទៅ ដោយមិនប្រកាន់និន្នាការនយោបាយឡើយ។
សម្ដេចបានអំពាវនាវដល់ប្រជាជន និងយុវជនទូទាំងប្រទេស សូមចូលរួមជាមួយ នឹងសម្ដេច ដើម្បីកសាងសង្គមជាតិឱ្យកាន់តែរីកចម្រើនខ្លាំងឡើង ។
