ឯកឧត្តម​រដ្ឋលេខាធិការ​ អ៊ុំ​ សូថា​ អញ្ជេីញជាអធិបតី​ ក្នុងពិធី​ធ្វេីបទបង្ហាញស្តីពីផលិតផល​និងសេវាកម្ម​ របស់ធនាគាស្ថាបនា​


ឯកឧត្តម​ អ៊ុំ​ សូថា​ រដ្ឋលេខាធិការ​តំណាងដ៏ខ្ពង់ខ្ពស់របស់ឯកឧត្តមកិត្តិសេដ្ឋាបណ្ឌិត ចម​ ប្រសិទ្ធ​ ទេសរដ្ឋន្រ្តី រដ្ឋមន្ត្រី​ក្រសួង​ឧស្សាហកម្ម​វិទ្យាសាស្ត្រ​ បច្ចេកវិទ្យា​ ​និង​នវានុវត្តន៍​ នៅរសៀលថ្ងៃទី​ ០៣​ ខែ​ សីហា​ ឆ្នាំ​២០២០​ បានអញ្ជេីញជាអធិបតី​ ក្នុងកម្មវិធី​ធ្វេីបទបង្ហាញស្តីពីផលិតផល​និងសេវាកម្ម​ របស់ធនាគាស្ថាបនា​ ដែលសហការរៀបចំដោយ​អគ្គនាយកកិច្ចការទូទៅនៃក្រសួងឧស្សាហកម្ម​ វិទ្យាសាស្ត្រ​ បច្ចេកវិទ្យា​ និង​នវានុវត្តន៍​ ជាមួយធនាគារស្ថាបនាភីអិលស៊ី ជូនដល់ថ្នាក់នាំក្រសួង នៅទីស្តីការក្រសួង​ ។ ក្នុងនោះក៏មានការចូលរួម​ស្តាប់ពីតញណាងមន្ទីរទាំង២៥ ខេត្តក្រុង​តាមរយ:ប្រព័ន្ធ​Online ដេីម្បី​ស្វែង​យល់​ពី​សេវាកម្មនានារបស់ធនាគារ​ ។
បន្ទាប់ពី​លោក​ លឹម​ ​អូន​ ប្រធាននាយកប្រត្តិបត្តិ​ ធនាគារ​ស្ថាបនា​ ភីអិលស៊ី​ និងមន្ត្រីជំនាញជាន់ខ្ពស់បានលេីកឡេីងពីប្រវត្តិ​ ភាពរីកចម្រេីន​ និងសេវាកម្មសម្បូរណ៌បែបរបស់ធនាគារ​ស្ថាបនា​ភីអិលស៊ី​ រួចមក​ ក្នុងនាម​ ឯកឧត្តម​កិត្តិ​​សេដ្ឋាបណ្ឌិត​ទេសរដ្ឋមន្រ្តី​ ចម​ ប្រសិទ្ធ​ ឯកឧត្ដម​ រដ្ឋលេខាធិការ​ អ៊ុំ​ សូថា​ បានវាយតម្លៃខ្ពស់ចំពោះភាពរីក​ចម្រេីនរបស់ធនាគារ​ជាបន្ដបន្ទាប់​ តាមរបាយការណ៌ដែលបាលលេីកឡេីង​ គឺ​តាំង​ពីបង្កើត​ឡេីង​ដំបូងក្នុងនាមជាអង្គការក្រៅរដ្ឋាភិបាល​ ក្នុងឆ្នាំ១៩៩៥​ រហូតក្លាយគ្រឹះស្ថានមីក្រូហិរញ្ញវត្ថុ​ និងបានក្លាយជាធនាគារពាណិជ្ជរហូតដល់បច្ចុប្បន្ននេះ​ ដោយសារមានកិច្ចព្រមព្រៀងនៃការរួមបញ្ចូលគ្នា​រវាងស្ថាបនា​លីមីតធីត​ ជាមួយធនាគារ​ម៉ារ៉ូហាន់​ ជប៉ុន​ ដែលយេីងអាចចាត់ទុកថា​ គឺ​ជាភាពជោគជ័យមួយរបស់ធនាគារ​ ដែលមានដៃគូដ៏ល្អជាមួយជប៉ុន​ ។ ជាក់ស្តែងយេីងឃេីញតាមរបាយការណ៌ថា៖​បច្ចុប្បន្នធនាគារស្ថាបនាមាន​រហូតដល់១៧០​សាខា​ គ្របដណ្តប់លេី២៥​ ខេត្ត​ ក្រុង​ និងមានបុគ្គលិករហូតដល់៤ពាន់នាក់។ ធនាគារ​មានទ្រព្យ​សកម្ម​១.៨ពាន់លានដុល្លារអាមេរិក​ មានប្រាក់បញ្ញេីពីអតិថិជនប្រមាណ​១ពាន់លានដុល្លារអាមេរិក​ និងបានផ្តល់ឥណទានដល់អតិថិជន​ ប្រមាណ​១.៣៨​ពាន់លានដុល្លារអាមេរិក​ ។ ចំនុចនេះ​ ឯកឧត្តមរដ្ឋលេខាធិការ​ អ៊ុំ​ សូថា​ បានចាត់​ទុកថាជាធនាគារពាណិជ្ជដ៏ធំមួយមានការទុកចិត្តពីអតិថិជនអ្នកផ្ញេីប្រាក់រហូតដល់១ពាន់លានដុល្លារ​ ហេីយក៏បានប្រេីប្រាស់បញ្ញេីនេះ​ សម្រាប់ផ្តល់ជាឥណទានបន្តផងដែរ​ ដោយប្រេីដេីមទុនរបស់ខ្លួនបន្ថែម​ និងទទួលបានប្រាក់ចំណេញសុទ្ធជិត៤០លានដុល្លារ​ នៅឆ្នាំ២០១៩ ។
ឯកឧត្តមរដ្ឋលេខាធិការ​ អ៊ុំ​ សូថា​ បានស្នេីសុំផងដែរថា៖ទន្ទឹម​និងភាពរីកចម្រេីនរបស់ធនាគារ​ ក្នុងកំរិតដំណេីរការប្រតិបត្តិការរបស់ខ្លួនតាមបែប​ឌីជីថល​ ទៅហេីយនោះ​ គឺ​ត្រូវធ្វេីយ៉ាងណា​ បន្តគិតគូជានិច្ចនូវការបម្រេីសេវាអតិថិជន​ ឲ្យកាន់តែមានភាពងាយស្រួល​ រហ័សទាន់ចិត្ត​ ភាពទុកចិត្ត សុវត្ថភាព​ និងហ៊ានទទួលខុសត្រូវនូវកំហុសបច្ចេកួេសណាមួយ​ ។ ដោយឡែកយេីងឃេីញថា​ធនាគារមានប្រតិបត្តិការបច្ចេក​ទេសជាមួយដៃគូជាច្រេីន​ ទាំងក្នុងគ្រឹះស្ថានសាធារណ:​ និងឯកជន​ ។ ក្នុងនោះ​ ជាមួយនិងរដ្ឋា​ករទឹក​ស្វយ័ត​ក្រុងភ្នំពេញ​ ផងដែរ​ សម្រាប់សេវាបង់ប្រាក់របស់អតិថិជនតាមរយ:ទូរសព្ទ​ស្មាតហ្វូន​ ។ បញ្ហានេះ​ ឯកឧត្ដ​ម​រដ្ឋលេខាធិការ​ អ៊ុំ​ សូថា​ ក៏បាន​ស្នេីឲ្យធនាគារ​ពិនិត្យ​លទ្ធភាពធ្វេីកិច្ច​សហប្រតិបត្តិការជាមួយរដ្ឋាករទឹកស្វយ័តខេត្តសៀមរាប​ ក៏ដូចជាប្រតិបត្តិករទឹកស្អាតឯកជនដ៏ទៃទៀត​ ជាពិសេសពិនិត្យលេីការផ្តល់កម្ចី​ ទៅដល់ប្រតិបត្តិករទឹកស្អាតឯកជន​ និងបណ្តាសហគ្រាសធនតូចនិងមធ្យម​ ដែលចង់ពង្រីកផលរបររបស់ខ្លួនផងដែរ​ ។
សូមបញ្ជាក់ថា៖កិច្ចប្រជុំ​នេះ​ ត្រូវបានបញ្ចប់ប្រកបដោយលទ្ធផលផ្លែផ្កា​ ជាមួយការចោទ​ឆ្លេីយនូវសំណួរស្វែងយល់ជាច្រេីនផងដែរ​ ។