ព្រឹកថ្ងៃទី០៦ខែមីនាឆ្នាំ២០១៧ ដោយទទួលបានដំណឹងមរណភាពបុរសម្នាក់ពីមូលដ្ឋានភូមិវាល ឃុំសាលាក្រៅ ស្រុកសាលាក្រៅ ខេត្តប៉ៃលិន និងទទួលបានការណែនាំពីលោកជំទាវ បាន ស្រីមុំ ក្រុមការងារមូលនិធិសម្តេចក្រឡាហោម ស ខេង ខេត្តប៉ៃលិន បាននាំយកអង្ករ៥០kgនិងថវិកា២០០០០០រៀលទៅចូលរួមរំលែកទុក្ខគ្រួសារសពដែលកំពុងមានទុក្ខយ៉ាងក្រៀមក្រំនិងមានការខ្វះខាតជីវភាព ។
ក្នុងឱកាសនោះ ក្រុមការងារបាននាំពាក្យរំលែកទុក្ខពីឯកឧត្តម អ៊ី ឈាន និងលោកជំទាវ បាន ស្រីមុំ ក្នុងនាមសម្តេចក្រឡាហោម ស ខេង ជូនក្រុមគ្រួសារសពដែលកំពុងមានទុក្ខជាទំងន់ក្នុងការបាត់បង់សមាជិកគ្រួសារនាពេលនេះផងដែរ ។
