សម្តេចក្រឡាហោម ស ខេង បានលើកឡើងនៅក្នុង ទិវាសប្តាហ៍ជាតិ សុវត្ថិភាព ចរាចរណ៍ផ្លូវគោក លើកទី១០ ស្តីពី ” ការរួមគ្នាគាំទ្រការរឹត បន្តឹងអនុវត្តច្បាប់ ចរាចរណ៍ផ្លូវគោក ” នាព្រឹកថ្ងៃទី៤ មេសា នេះ នៅទីធ្លាបាល់ទាត់ខេត្តព្រៃវែង ថា ប្រជាពលរដ្ឋនៅតែប្រកាន់ទំលាប់មិនល្អពាក់ព័ន្ធ នឹងចរាចរណ៍ ដូចជា ៖ ការយកផ្លូវ សាងសង់រោងការ រោងបុណ្យ និងពិធី ផ្សេងផ្ទាល់ខ្លួន ដែលពេលខ្លះប៉ះពាល់ និង កកស្ទះចរាចរណ៍ ។
សម្តេច ក៏បានលើឡើងទៀតថា ពេលខ្លះក៏មានប្រជាពលរដ្ឋមួយចំនួន ដូចជា៖ ហាលស្រូវ ហាលពោត និងរបស់ផ្សេងទៀត នៅតាមចិញ្ចើមផ្លូវ ជាដើម។
