នៅព្រឹកថ្ងៃទី២៥ ខែមេសា ឆ្នាំ២០១៧ ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន បានអញ្ជើញធ្វើបាឋកថានៅសាកលវិទ្យាល័យន័រតុន ដើម្បីចែករំលែកចំណេះដឹងនិងបទពិសោធពាក់ព័ន្ធនឹងការងារគ្រប់គ្រងបរិស្ថាន និងធនធានធម្មជាតិនៅកម្ពុជា ជូនដល់និស្សិតមហាវិទ្យាល័យវិទ្យាសាស្ត្រសង្គម។ទន្ទឹមនឹងការចែករំលែកនូវបទពិសោធគន្លឹះនៃភាពជោគជ័យក្នុងការសិក្សាស្រាវជ្រាវគ្រប់កម្រិត ឯកឧត្តមរដ្ឋមន្រ្តីលើកឡើងនូវបទពិសោធជោគជ័យ និងការប្រឈមនានា ក្នុងការងារគ្រប់គ្រងវិស័យបរិស្ថាននៅកម្ពុជា ដោយឯកឧត្តមបានសង្កត់ធ្ងន់លើការធ្វើទំនើបកម្មស្ថាប័ន ការពង្រឹងសមត្ថភាពស្ថាប័ន ដើម្បីប្រសិទ្ធភាពការងារ ដែលអាចឆ្លើយតបបំណងយុទ្ធសាស្ត្ររបស់រាជរដ្ឋាភិបាល ក្នុងការកសាងសង្គមកម្ពុជាមួយ ដែលមានបរិស្ថានល្អស្អាត និងការរស់នៅដោយចីរភាព។
