កីឡាការិនី ស៊ន សៀវម៉ី ទទួលរង្វាន់ ២ម៉ឺនដុល្លារ


Seav Mey 22 04 16 2 copy

     កី​ឡា​កា​រិនី ស៊ន សៀវ​ម៉ី​ ដែល​បាន​ធ្វើ​អោយ​កម្ពុជា​មាន​មុខ​មាត់​ខ្ពស់​ក្នុង​វិស័យ​កីឡា​តៃ​ក្វាន់​ដូ ត្រូវ​ក្រ​សួង​អប់រំ​បាន​ផ្តល់​ប្រាក់​រង្វាន់​ចំនួន ​៨០​លាន​រៀល​ ស្មើ​នឹង ​២ម៉ឺន​ដុល្លារ​អាមេរិក ​។ ចំណែន​គ្រូ​បង្វឹក​ជាតិ​កូរ៉េ​ របស់​នាង​គឺ​ លោក ឆយ យ៉ុង​សុក ក៏​បាន​ទទួល​ប្រាក់​រង្វាន់​ចំនួន​ ៨០​លាន​រៀល​ផង​ដែរ ​។

     កី​ឡា​កា​រិនី​ ស៊ន សៀវ​ម៉ី បាន​ឈ្នះ​មេ​ដាយ​មាស​ក្នុង​ការ​ប្រ​កួត​ជម្រុះ​កី​ឡា​តេ​ក្វាន់​ដូ​ទម្ងន់​ ៦៧​គីឡូ​ក្រាម​ កាល​ពី​ថ្ងៃ​១៦​ ខែ​មេសា​ នៅ​ប្រ​ទេស​ហ្វី​លី​ពីន ដែល​នាំ​ឲ្យ​នាង​ក្លាយ​ជា​កី​ឡា​កា​រិនី​ដំបូង​គេ​របស់​កម្ពុជា ឈាន​បន្ត​ចូល​រួម​ការ​ប្រ​កួត​កី​ឡា​អូ​ឡាំ​ពិក​កំរិត​ពិភព​លោក​ ។ នៅ​យប់​ថ្ងៃ​១៨​ ខែ​មេសា​ កី​ឡា​កា​រិនី ស៊ន សៀវ​ម៉ី បាន​យក​ឈ្នះ​មេ​ដាយ​ប្រាក់​ ១​គ្រឿង ​ទៀត ក្នុង​វគ្គ​ផ្តាច់​ព្រ័ត្រ​នៃ​ការ​ប្រ​កួត​កី​ឡា​តេ​ក្វាន់​ដូ​ជើង​ឯក​ទ្វីប​អាស៊ី​ ។

     កញ្ញា​ ស៊ន សៀវ​ម៉ី ក្រោយ​ការ​ប្រ​កួត​នៅ​ហ្វី​លី​ពីន​រួច បាន​មក​ដល់​កម្ពុជា​វិញ​ហើយ ដោយ​មាន​ការ​អញ្ជើញ​ទៅ​ទទួល​ដោយ​ ឯក​ឧត្តម​រដ្ឋ​មន្ត្រី​ក្រ​សួង​អប់រំ ​ហង់​ ជួន​ណា​រ៉ុន​ ផង​ដែរ​ ។ នៅ​ជា​មួយ​ការ​បន្ថែម​លើ​រង្វាន់​ ៨០​លាន​រៀល​ ពី​ក្រ​សួង​អប់រំ​ កី​ឡា​កា​រីនី​ ស៊ន សៀវ​ម៉ី និង​គ្រូ​បង្វឹក នៅ​បាន​ទទួល​ការ​ឧប​ត្ថម្ភ​លើក​ទឹក​ចិត្ត​ម្នាក់​ៗ​ចំនួន​ ១​ពាន់​ដុល្លារ ​ដោយ​គណៈ​កម្ម​ការ​ជាតិ​អូ​ឡាំ​ពិក​កម្ពុជា​ផង​ដែរ​ ។

Seav Mey 22 04 16 3 copy

Seav Mey 22 04 16 4 copy