ទំនប់ស្ទាក់ទឹក អន្សងនាវ ត្រូវបានបើកដ្ឋានដំណើរការសាងសង់ឡើងវិញ ជំហានទី ១


ទំនប់ស្ទាក់ទឹក អន្សងនាវ ស្ថិតក្នុងឃុំណាំតៅ ស្រុកភ្នំស្រុក ខេត្តបន្ទាយមានជ័យ ត្រូវបានបើកដ្ឋានដំណើរការសាងសង់ឡើងវិញ ជំហានទី ១ នាព្រឹកថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី ០៦ ខែកុម្ភៈ ឆ្នាំ ២០១៨ នេះ ។ ការសាងសង់ទំនប់នេះ គឺក្នុងគោលបំណងស្ទាក់ទឹកស្ទឹង ចំនួន ០៣ រួមមាន ស្ទឹងស្រង់ ស្ទឹងក្រសាំង និងស្ទឹងកំពង់ក្រសាំង ដើម្បីបង្វែរទៅរក្សាទុកក្នុងអាងត្រពាំងថ្មផង ប្រើប្រាស់ប្រចាំថ្ងៃផង និងស្រោចស្រពដំណាំកសិកម្មផង ។ ការងារសាងសង់ដែលត្រូវអនុវត្តនៅក្នុងជំហានទី ១ នេះ រួមមាន ៖
– សាងសង់ផ្លូវចូលទំនប់ប្រវែង ៣.០០០ ម៉ែត្រ
– សាងសង់ឡើងវិញទំនប់ស្ទាក់ទឹក ប្រវែង ១.១០០ ម៉ែត្រ
– សាងសង់សំណង់បង្ហៀរលើទំនប់ប្រវែង ៣០ ម៉ែត្រ ដោយបំពាក់ទ្វារទឹក ០២ សន្លឹក ចំនួន ០១ កន្លែង
– ជីកប្រឡាយ ០១ ខ្សែ ប្រវែង ២.០០០ ម៉ែត្រ ។

នៅពេលសាងសង់រួច ទំនប់នេះ ក៏នឹងក្លាយជាផ្លូវគមនាគមន៍បម្រើឲ្យការធ្វើដំណើរឆ្លងកាត់ និងដឹកជញ្ជូនកសិផលរបស់ប្រជាពលរដ្ឋនៅតំបន់នោះផងដែរ ។