ឯកឧត្តមបណ្ឌិត អ៊ិត សំហេង៖ ចិនមានគម្រោងចង់បង្កើតសាកលវិទ្យាល័យធំមួយនៅក្នុងប្រទេសកម្ពុជា និងស្វែងយល់ អំពីស្ថានភាព គោលនយោបាយ

(ភ្នំពេញ)៖ ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារនិងបណ្តុះបណ្តាលវិជ្ជាជីវៈ បានឲ្យដឹងនៅ ព្រឹកនេះថា ភាគីចិនមានគម្រោងចង់បង្កើតសាកលវិទ្យាល័យធំមួយនៅក្នុងប្រទេសកម្ពុជា និងស្វែងយល់ អំពីស្ថានភាព គោលនយោបាយ នៃការអប់រំបណ្តុះបណ្តាលធនធានមនុស្សនៅកម្ពុជាផងដែរ។

មានប្រសាសន៍ប្រាប់ក្រុមអ្នកសារព័ត៌មាន នៅព្រឹកថ្ងៃទី៥ មិថុនា នេះ ក្រោយជំនួបពិភាក្សាការងារជាមួយគណៈប្រតិភូ នៃសាកល វិទ្យាល័យពហុបច្ចេកទេស ធានជីង (Tianjin Polyethnic University) នៃសាធារណរដ្ឋប្រជាមានិតចិន ដឹកនាំដោយលោកស្រីសាស្ត្រាចារ្យ Lian Jie លេខាគណៈកម្មាធិការបក្សកុម្មុយនីស្តចិន ឯកឧត្តមបណ្ឌិត អ៊ិត សំហេង បានបញ្ជាក់ថា ចិន មានគម្រោង ចង់បង្កើតសាកលវិទ្យាល័យធំមួយនៅទីក្រុងភ្នំពេញ និងភាគីចិនពិតជាមានការចាប់អារម្មណ៍ខ្លាំងទៅលើការបណ្តុះបណ្តាលធនធានមនុស្ស នៅកម្ពុជានាពេលខាងមុខ ជាពិសេសភាពជាដៃគូចិន និងកម្ពុជាក្នុងវិស័យនេះ ម្យ៉ាងវិញទៀត ក៏ស្របទៅនឹង យុទ្ធសាស្រ្តផ្លូវមួយ ខ្សែក្រវ៉ាត់មួយរបស់ចិនផងដែរ។