ពិធីប្រគល់ សញ្ញាបត្រជំនាន់ទី៧ លើកទី២ ដល់និស្សិតជ័យលាភីសាកលវិទ្យាល័យបញ្ញាសាស្រ្តកម្ពុជា


កាលពីថ្ងៃទី២២ ខែមករា ឆ្នាំ២០១៧ ឯកឧត្តម ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានថ្លែងឲ្យដឹងថា ការលើកកម្ពស់គុណភាពអប់រំ មានសារសំខាន់ណាស់ ចំពោះការអភិវឌ្ឍសេដ្ឋកិច្ចប្រកបដោយនិរន្តភាព ដូច្នោះហើយ ការអភិវឌ្ឍធនធានមនុស្ស គឺជាផលសម្រច និងជាកត្តាជំរុញនៃការអភិវឌ្ឍសង្គម និងសេដ្ឋកិច្ចប្រទេស ។

ឯកឧត្តម ហង់ ជួន ណារ៉ុន ក៏បានក្រើនរំឭកដល់សិស្សនិស្សិត ឲ្យប្រើប្រព័ន្ធព័ត៌មានវិទ្យា និងបណ្ដាញសង្គមនានា ស្របទៅតាមការ សិក្សាអប់រំឲ្យបានច្រើនជាងការកម្សាន្ត ដែលវាអាចជួយផ្ដល់ផលប្រយោជន៍ ដល់ការអប់រំយ៉ាងមានប្រសិទ្ធភាព។
ឯកឧត្តមបានបន្ថែមថា ស្ថាប័នឧត្តមសិក្សាទាំងឡាយ ត្រូវតែព្យាយាមយ៉ាងមុតមាំ ក្នុងការពង្រឹងតួនាទីខ្លួនជាគ្រឹះស្ថានសិក្សាជាន់ខ្ពស់ ដោយមាន ការរៀបចំកម្មវិធីសិក្សាស្រប ទៅតាមកាលៈទេសៈ នៃការរីកចម្រើនផ្នែកវិទ្យាសាស្ត្រ និងបច្ចេកវិទ្យា ដែលមានវិទ្យាសាស្ត្រ បច្ចេកវិទ្យា វិស្វកម្ម និងគណិតសាស្ត្រ ហៅកាត់ថា STEM ។

លោកបានបញ្ជាក់ថា ចំណុចសំខាន់មួយទៀតនេះ គឺកាហ្វឹកហ្វឺនបំប៉នសមត្ថភាពបុគ្គលិក សាស្ត្រាចារ្យ​និងគណគ្រប់គ្រងឲ្យបាន ប្រសើឡើងជាលំដាប់ តាងវិជ្ជាជីវៈ ទាំងវិន័យ និងក្រមសីលធម៌ ៕